الموقع الرسمي لمجلة حور الدنيا
مجلة شبابية



نبضات قلم

2013-03-13
 

الحب الملعون

More articles by »
Written by: admin

الحب الملعون

الحلقة (1)

 دينا عماد

“ماما أنا نازلة”

“رايحة فين يا هالة”

“رايحة لسلمى وبعدين هنروح الكورس “

“هتتأخرى”

“لا على 10بالكتير ان شاءالله”

فى كافيه عام

“هالة اتأخرتى ليه”

“متأخرتش ولا حاجة…بص يا زياد أنا مش هقعد معاك أكتر من ربع ساعة علشان المرة دى لازم أروح الكورس”

“حاضر أهم حاجة إني أشوفك”

“كلمت مامتك ولا لسه”

“ماهو أنا أكدت على إني أشوفك علشان أقولك إنى كلمتها”

“بجد…وقالت لك إيه”

“قالت لي طالما إني بحبك وعايزك فهي معندهاش أي مشكلة”

“وباباك”

“لما ماما تقول اه بابا هيقول اه”

“طيب أكلم ماما بقى”

“لا استنى”

“استنى إيه”

“ماما شرطها الوحيد إني إخلص السنة دى وأنجح”

“ماشي عمومًا هو فاضل شهر واحد بس ونمتحن… وانت شد حيلك بقى وانجح”

“عيب عليكي…أنا كل سنة بنجح”

“ماشي يا زياد أنا هقوم بقى”

“طيب استنى أوصلك”

“لا أنا همشي لوحدي علشان محدش يشوفنا مع بعض”

هالة بتوصل لسلمى وهى مستعجلة

“اتأخرتى كده ليه ياهالة”

“كنت مع زياد”

“والله كويس إنك جيتي النهاردة…إنتى لما تشوفيه بتنسي نفسك”

“بحبه ياسلمى والوقت معاه بيجرى بسرعة”

“ياسيدى على الحب”

“بس مش أنا اللي الحب ينسيني الصح من الغلط”

“يعنى إيه… سمع كلامك”

“طبعاااااااا ههههههههه كلم مامته وهييجى يخطبني بعد الامتحانات”

“بجد يالولا… مبروووك ياحبيبتى”

“الله يبارك فيكي…يالا بقى أنا حكيت وإحنا متأخرين يالا بينا”

هالة راجعة من الكورس بالليل

دخلت شارعهم…والجو كان برد وهادي

حست إن فيه حد ماشي وراها

خافت تبص وراها وبدأت تسرع في مشيتها

حست بإيد بتوقفها من كتفها

“استنى”

شقهت هالة من الخضة

“آدم… خضتني”

“مالك بتجري كده ليه”

“لقيت الدنيا هس أوى خفت”

“أنا عرفت من هيثم أخوكي إنك هترجعي على 10بالليل وكنا واقفين نستناكي علشان مفيش حد ماشي خالص وخفنا عليكي”

“وهيثم فين”

“مامتك بعتته يجيب حاجة وأنا فضلت واقف مستنيكي”

“طيب ياآدم…سلام”

“استنى ياهالة”

“نعم”

“فكرتي”

“ما أنا قلت لك إني بعتبرك زي أخويا”

“وأنا قلتلك فكري…أنا عايز أتقدملك مجرد إحساسي إني بحبك وأنا صاحب أخوكي حاسس إني بخونه”

“يا آدم انت زي هيثم بالنسبة لي …جار وأخ مش أكتر”

وصوت أقدام من بعيد… وهيثم يظهر

“إيه اللي موقفك كده في البرد ده”

“مفيش كنت بسأل آدم عليك…أنا طالعة”

“خدى الحاجة دي إديها لماما وأنا ساعة كده وجاي”

“ماشي”

صوت جرس تليفون البيت

وقت متأخر بالليل وكلهم نايمين

صحي الأب وخرج يرد على التليفون الوحيد فى البيت

والأم وراه… وقامت هالة تبص في ساعتها لقيتها 4ونص الفجر

“الو…خير يا رؤوف … لا إله إلا الله… طيب الجنازة امتى… البقاء لله شد حيلك…مع السلامة”

الأم”خير…مين مات”

الأب”خالتي توفت من نص ساعة والجنازة بكرة الظهر”

الأم”لاحول ولا قوة إلا بالله… البقاء لله… أنا مش هروح الشغل بقى بكرة علشان أروح هناك من الصبح”

وندهت هالة لمامتها

“أنا رايحة معاكى الصبح”

“ليه إنتي مش وراكي محاضرات…بلاش تيجي انتي”

“لا أنا عايزة أروح”

“خلاص تعالي… انتى حرة”

راحت هالة الصبح مع مامتها بيت المتوفاة

هى كانت ست كبيرة وهالة مش على علاقة بيها

بس هى حبت تحضر لأول مرة في حياتها مراسم دفن

الموقف كان مؤثر خصوصًا بعد الغسل والكفن

شافتهم وهما بيحطوها في الصندوق… كانت هالة بتعيط من غير سبب… وبعدين وصلوا للمقابر

أثناء الدفن… كان فيه ناس كتير من المشيعين

وهالة واقفة لبعيد من الزحام… الجو برد والهوا شديد

رن موبايل هالة… شافت إنه رقم زياد

“الو…انتي فين ياهالة..مجيتيش ليه لحد دلوقتي”

وبعدت هالة شوية علشان تعرف ترد من غير ماحد يلاحظ

“أيوه يازياد… أنا مش جاية النهاردة…خالة بابا توفت وأنا في الجنازة”

كانت هالة بتتكلم وهي سرحانة…وفضلت تمشي تمشي ورا أوراق الشجر اللي بتطير على الارض

خلصت المكالمة… لقت نفسها فى وسط المقابر بس بعدت عن أهلها

ومش شايفة حد تعرفه

الجو برد وصوت الهوا مخيف… وخصوصا إنها مش شايفة حد خالص

مسكت الموبايل تتصل بباباها أو هيثم أخوها حد يلحقها

من رعشة إيدها الموبايل وقع… اتفك قطع متناثرة

بدأت تجمع … الغطاء… الجزء الأمامى للجهاز… وبدأت تدور بعينها على البطارية…شافتها كانت بعيدة شوية

عند آخر خطوة قبل ماتوصل للبطارية

أول ماداست كان غطاء قبر مكسور

وقعت هالة … وقعت جوه قبر

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement