الموقع الرسمي لمجلة حور الدنيا
مجلة شبابية



دكتور أون لاين

2016-11-13
 

الإستضعاف الذي يجلب الأستعطاف|احمدفرج

More articles by »
Written by: admin

الاستضعاف الذي يجلب الاستعطاف
اخرته وحشة اوي

زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله انه طوق النجاة والاسعاف وانتا بابا انتا ماما انتا كل حاجه في حياتي …؟
طبعا يبتدي يتعاطف معها في الأول لتوهج العلاقة بينهما واستمرارا لفطرة ميل الرجل للمرأة والعكس
لحين انها تبدأ تشكل عبئ نفسي متكرر كئيب عليه لانها استخدمت شخصيتها الطفولية معه فقط وتركت الشخصية الراشدة
الشخصية الطفولية اللي كل شوية تتقمص ويصالحها وتزعل ويصالحها وتختفي مرة واحده ويدور عليها
وبدل ما المفروض ان يمشوا مع بعض متوازنين متوازيين في طريقهم في الحياة اصبح احدهم يمشي والأخر يجرجر شريكة عشان يلحقوا يعملوا اي حاجه وأصبحت الخطوات متعثرة بطيئة غير منجزة ولا مثمرة وكل موقف بيعدي عليهم بالبطييييئ ولازم يفسر الف تفسير والف تبرير وتبدء المشكلات في الظهور المشكلات التافهة اللي معظمها مبني علي انتا قولت وروحت فين ومين اللي عندك ومين اللي جنمك وسلمت علي ديه ليه وانتي ليه بتكلمي ابن عمك وازاي تتصوري مع اصحاب الجامعه وهكذا اي تلاكيك وبلاش تصحبي فلانه و تحكمات وخناقات علي الكبيرة والصغيرة
وربما تلفظ احدهم بلفظ احنا مش نافعيين لبعض لكن سرعان ما تدور أسطوانة الاستعطاف مرة اخري ويرجعوا منكسين الرأس منطفئين البهجه

لان العلاقة أصلا من الأول مشوهه جدا ومش مبنية علي اي اساس في الصحة النفسية
طبعا واحيانا بيحصل العكس ان الولد هوا اللي بيعمل كل ده وبيطلع انه اهلة متخليين عنه وانه مسكين ولوحده في الدنيا برضه استضعاف لجلب الاستعطاف ..؟

سلوك قميء كريهة وفعل سيء شاذ…!

اعمل الصح بقي

اعمل اية يعني ؟
هقولك اهو

انك وانتا داخل العلاقة الجديدة لو عندك مشاكل وعقد نفسية وتربوية مسيطرة عليك لازم تفكها وتحاول تحتوي نفسك اوي وتشتغل علي نفسك كويس بكلام وخبرات المتخصصين مش بخططك المستهلكة؟؟(لانك عملت قبل كده ومجبش نتيجة .. ولابد ان تصلح ما يمكن اصلاحه دخ اول هام

انك تدي لنفسك فرصه تفهم طبيعة وحاجيات الاخر بعد ما تفهم انتا مين وعايز ايه منه وايه الصفات المشتركة الجميلة بنكم
انك تسمع كويس
انك تظهر جوانب شخصيتك وسماتك بهدوء ومش بانفعال ولا مرة واحده ..شوية شوية
انك تحترم نفسك ومتتكلمش علي اهلك او اهلكِ انتا لسه امام حد غريب لايشكل اي ارتباط هو او هيا مش زي اخواتك وامك وابوك او ابوكي مهما كان فيهم ايه ومهما كانوا مين

انك تحاول تعالج نقاط الضعف بتقوية مهاراتك الاجتماعية اول ما تكتشفها واسأل واستشير ومتستناش اللي هترتبط بيها تصلحهالك او يصلحهالك محدش ناقص حد هو جاي يتشرف بيكي وانتي محتاجه تتشرفي بيه مش تصلحوا بعض ومشاكل السنين

الصح انه عايز ياخد بأيدك وتنطلقوا في الحياة حتي لو انتي اضعف منه شوية مش مهم ..
لكن لو العلاقه معوقه نفسيا من الأول ده نذير خسارة وخسران وفقد ووجع والم …!
الصراحة جميله اه لكن تكون صراحه مزيفة ورائها نفع وانتخه وتبديل أدوار لا والف لا
حبيت بس انصحكم لان الموضوع ده متكرر اوي
سيكولوجي
احمد فرج

التعليقات

تعليقًا





 
 

 

حِب نَفسك |أحمد فرج

لما حد بيجيلي و يشتكي ان علاقاته بالاخرين ديما مضطربه وغير كامله النتائج وديما بيحصل فيها مشاكل ومش بيحسن التواصل الجيد بمن ...
by admin
 

 
 

علم نفس | ريهام خليل

اذا كان مجال تخصصك علم النفس فمن المؤكد انك كلما اخبرت احدهم عن تخصصك ستواجه أحد هذة التعليقات , و من المؤكد أنك تحفظهم عن ظهر ...
by admin
 

 
 

التفكير السلبى

هل انت مدمن تفكير سلبى : إن معظم الناس مدمنون على التفكير السلبي وعلى بث الاحاسيس السلبية تجاه أي شيء يكرهونه, يحبونه, يخافون ...
by admin
 

 

 

ماذا تعرف عن النوم ؟؟؟

ماذا تعرف عن النوم ؟؟؟ النوم هو حالة طبيعية خاصة من الاسترخاء  لاعادة تنظيم نشاط الدماغ و الفعاليات الحيوية الأخرى في الكائن...
by admin
 

 
Advertisement
 

ماذا تعرف عن هرمون السعادة ؟؟؟

ماذا تعرف عن هرمون السعادة ؟؟؟   * بقلم : رزان ابراهـــيم :- سيروتونين او ال 5-هيدروكسي تربتامين و المعروف ايضا بهرمون السعادة ب...
by admin
 

 




Advertisement