الموقع الرسمي لمجلة حور الدنيا
مجلة شبابية



فضفضة نفسية

2016-10-09
 

متزعلش |احمد فرج

More articles by »
Written by: admin

المقال ده
خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل
فين ؟
في جنات ونهر
ايوا يعني فين ؟
في مقَعدِ صدقً
عند مين ؟
عِندَ مَليكٍ مقتدرٍ
اللي هوا مين ؟
الرَحَمن
عايز اطبطب عليا وعليك لاني منهم واقولك متزعلش انا حاسس بيك جدا والله وحاسس ان جواك كلام وعبرات ثقيله نفسك تبوح بيها لهم بس مش هينفع لانهم خلاص مش هنا …..
حاسس بيك اوي لما بتقلب في تلفونك ويجي اسم ماما او اسم بابا وتِهم علشان تتصل تلاقي جواك دبه وطرقعه ونَفَسك يروح منك وتتمني انهم يردوا عليك لكن مفيش فايدة …..
حاسس بيك لما بترجع لنفسك الطفوليه وتفتكر موقف او ذكري حلوة بتتكررفي الحياة و نفسك تتكرر معاك في وجودهم يس سرعان ما بيتكدر فكرك لانه مش هينفع …
حاسس بيك اوي لما بتتظلم من حد وتيجي تشرحله موقف بمفرداتك و تفهمه وتلاقيه مبيفهمش تحلفله مبيصدقش تتمني ان ابوك او امك هما اللي يجوا يفهموه … لانهم الوحيدين اللي فاهمينك من غير متتكلم …
حاسس بيكي لما يكون الناس عملين لك الف حساب لوجود والدك او والدتك وبمجرد غيابهم المعامله بتختلف وممكن متكملش اصلا اد اية مؤلم…..
حاسس بيك في المناسبات واللمه بتكون نقصها اهم ركن والسعاده اه موجوده بس مش كاملة …
حاسك لما بتكون في موقف تكريم او انتصار وعيونك رايحه جاية تدور عليهم تسمع صقفتهم في ودانك و لكن تيجي تبص متلقيهمش …
شايفك وانتا دموعك نازله وبتخبيها عن كل الكون لما ولادك يجوا ينادوك بكل برائه وعنفوان يا بابا يا بابا او ياماما يا ماما تبقي نفسك انتا كمان تقولها زيهم وتعلي صوتك بيها بس مش هينفع …لانهم مش موجودين ….
عارف احساسك بالثقة الذاتية لانهم الوحيدين في الدنيا اللي بيقبلوك بكل عيوبك ومميزاتك مهما صدر منك من اخطاء ومش بيلفظوك او يطردوك من حياتهم زي بقيه البشر …
حاسسك بيك لما تكون محتاج الحضن من النوع ده ومتلقيهوش محتاج الطبطبه من النوع ده ومفيش …
حاسس وعارف وشايف نفسك ومقدر كربك ومشاعر امتنانك ليهم لانهم سبب وجودك في الحياة
ومهما قولت انك يكون عندك صلابه نفسية او اعتماد ذاتي واستقلاليه نفسية وماليه انك تكون قوي
فعلاً هتكون قوي بس هتبقي ناقصه حته
قرأت ما يدور في ذهنك وكأنك تقول
الام التي تهز السرير بيمينها تهز العالم بيسارها
حب الام لا يشيخ ابدا
يد الام حلوة ولو ضربت
مهما تكن الام فقيرة فانها لاتحرم ابنها الثياب الدافئة
اما الاب فهو نعمه الرب
قلب الاب هو هبة الله الرائعة
هل يوجد مكان ينام فيه الطفل أأمن من غرفه ابيه؟
من غير ام حالة يغم
عارف ومقدر بس لازم نترجم حُزننا لحاجه ايجابيه تنور حياتنا وتوصل لهم ثمراتها
اللي هنصحك بيه انك تكمل حياة سامحهم لو قصروا معَاك وقول من قلبك ((ربي ارحمهما ))
كمل بر لمن بقي منهم تود اصحابهم تتصل باخواتهم تتصدق علي فقير صلاتهم وزملائهم واحبائهم
كمل
ازدهار في الحياة كَمل تحب الناس كمل تتسامح كمل عطاء بلا انتظار اجر كمل عطف علي اللي اتحرم زيك كمل صدقه عنهم كمل دعاء ليهم كل صلاة كمل تعلم الناس الخير كمل يكون ليك اثر لان كل ده هيكون في ميزانهم كمل تغرس في مستقبل وحاضر اولادك الصدق والايثار والتسامح والتصالح والحب للناس والحب لملك الناس اله الناس علمهم الحب لانهم امتدادك وامتدادهم علي الارض واللي خلف ممتش
ومن اكرم اباة ُسر باولادة
وقل ارحمهما كما ربياني صغيرا
سيكولوجي
احمد فرج

التعليقات

تعليقًا





 
 

 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 
 

غَذي شَغَفك…|أحمد فرج

غَذي شَغَفك…؟ الشعور بالشغف دليل الصحة النفسية ودليل ان لديك قوة هائلة من قوة الكون بداخلك انظر الي هذة القوة بوصفها شيئا ...
by admin
 

 

 

نثريات حالمة|إيمان مصطفي مراد

تَرَفَق _ حين تلثم شفاه الورد ترفَق بها ، وحاذِر مِنها ، فلا تدرى من ينال من الآخر ، لا تستهين برِقة ، بتلاته الوردية. تَئِنُ غ...
by admin
 

 
Advertisement
 

عريس اون لاين | أحمد فرج

ماسكه المدعوء طول النهار حرام عليكي نظرك راح اعملي بحقه انتي مش عندك فتيس بوك وكمستجرام وتاويتر وجيجي ميل يابنت ولا ايه ..ايو...
by admin
 

 




Advertisement