الموقع الرسمي لمجلة حور الدنيا
مجلة شبابية



حدوتة كبيرة

2016-02-16
 

صلاة حِلْمين |رشا عبد الرازق

More articles by »
Written by: admin

كلام جُوّا الكلام ساكت
سكوتي بالحنين صاخبْ
دموع واتمرجَحِتْ فِ السكة بِتعاتِب
وتتعاتب
ما بين رفّة وتسبْيلة
وزفرة خوف بتِتْمَطْوح تُزق الصدق ع الحيلة
وضحكة صغيّرة بتلعب قصاد اللهفة تحْجيلة
عنيك فِ العتمة توصيلة
لِصَهْد الفرحه / نار السَرْحه / ضيْ عيوني ضُلّيلة
يانور الشمس بِيقاوح غروب بيعد بالليلة
أنين الخوف
/صلاة حلمين
وخجلي المُستباح سهران يِخبي الكسرة تحت العين
ياعقلي اللي اتْشطر نُصين
خلاص كل الكلام مرفوع عليك بالصمت ف الحالتين؟
أَكون ونكون
تِكون الكون
أَكونلَك بس امْتى وفين؟
نِعيش رَقْصة حروف سَكْرانه بالخمر الحلال/ العشق فوق نغم الحنين/ الدهشة جُوّا المعنى في النّصين!
بَراح الروح مَ بينّا وبين
حدود الأرض
والنبضين

يا طير طِيشَك وتَعشيشَك بِيخلق معنى للجناحين
اذا اتْفَرْفَطْت من واحد..يطير التاني بس منين؟
ولو تِروي السطور دمّك
وتِعْطَش مين يِشيل ذَنبَك
مَن القَلبين
ولو حتى السُّكات دَنْدِن
وفاض
واتْغنّى
واتمدِّن
وحَن علينا
ها
وبعدين !؟

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement