الموقع الرسمي لمجلة حور الدنيا
مجلة شبابية



28 حرف

2016-02-16
 

عارف_ياصبر|أنسام_العوامى

More articles by »
Written by: admin

عارف ياصبر
الدهر جايز يقطم ضهرنا
نصين
نمسح جبين الضى
من سواد المر
وناخد من بنت تلك التيت
أسافين

عارف ياصبر
جايز تكون السكة سرقانى
لكن مخوفتش أي ضلمة
وأنا وياك
مسألتكش مرة هنروح
فين
دايما معاك الخطوة سابقانى

ولو مرة حافظت على
هيبة الغضب
ألاقى الكشرة عاندانى
وبضحكلك

وياه على سحب خيط القهرة
من حضنك

وياه على نفض العفرة
م التفكير

عارف ياصبر
التكتكة مش برد ..
جايز تكون التكتكة
سعادة
وتنطيط .. وبراح

جايز معاك بجهل
فنون السرد .. والحدوته
اللى بتنتهى بأفراح

لكن معاك بفرح

معاك بجرى
معاك بضربها صرمة
وقديمة
وبلعن كل همس وعين

عارف ياصبر
يمكن ميزة الدنيا إنها /
بتوهب إرادة للمجنون

وبتزيد شطة الفتنة /
وبتقربلك المفتون

ياصبر
إنت مش تعويض
ولا حاجة تبهر بنت للغاية
ولا ليا منك حاجة ولا غاية
غير بس إنك تون
بتغطى على صفارة البوابير

الدنيا مش قطارات ياصبر
بتفوتنا
لو بس ننسى الإنتظار
نمشيها زى اليوم
من غمرة .. للتحرير

أنا عشت عمر مسافة
المشوار
ونسيت معاك الوقت
والتأخير

ياصبر
بلاش تعكر صفو
اللى وصلناله
ومتقططعش حبل الود
بالتكدير

توب الواقع ضاق
ضاق جدا على إيدينا
بلاش نحسبها بالمللى
كفاية علينا / فاتنا كتير
وأنا بنت اليوم
يابن إمبارح ..
وبكرانا صحيح مش
باين له لا تفاصيل / ولا ملامح
لكن هصبر ياصبر
لحد إيديك ماتزهقنى

#عارف_ياصبر
تخاريف:
#أنسام_العوامى

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

البشارة ..|د محمد ابو العزايم

فلْتمسحوا دموعكم.. ستَنتصِرون..تنتصرونَ تنتصرون.. قدْ زُرتُ فى الرَّبْعِ البعيدِ جدّتَكُم.. كانت تنادى فى الصغار حولها ، ليحم...
by admin
 

 
 

يلا نتصالح بقي |أحمد فرج

الحزن والكرب وضيق النفس عوائق الإبداع والتميز والترابط المجتمعي مع النفس اولا ومع الغير ثانيا … انها حواجز التقدم في الدن...
by admin
 

 

 

علم نفس | ريهام خليل

اذا كان مجال تخصصك علم النفس فمن المؤكد انك كلما اخبرت احدهم عن تخصصك ستواجه أحد هذة التعليقات , و من المؤكد أنك تحفظهم عن ظهر ...
by admin
 

 
Advertisement
 

لعنة أمينة و سى السيد|منار سناء

أمينة و سى السيد مصطلح عاش فى وجدان الكثير من الأجيال و ما بين معارض و مؤيد إختلطت الأوراق و المفاهيم ،،، و وجب علينا الآن الت...
by admin
 

 




Advertisement