الموقع الرسمي لمجلة حور الدنيا
مجلة شبابية



إبداع الحور

2016-01-28
 

من الممنوع على وجودي|رشا عبد الرازق

More articles by »
Written by: admin

في أحلامي
بشوفَك مُختَصر عمري
وحُضْن المَعفيين مـِ التِّيه
وبسمع صوتَك الممنوع على وجودي
وصوتي -القاسي حِلمَك بيه-
بشوفَك..
بتناديني بإسمي !
أتنفِس
وأقولَّك إييه ؟؟
تعيد تاني
وبِتْرُد النَّفس جُوايَّا:
“واحشاني
يا بنت الإيه”
وتِتْسنِّد على جْبيني
وتِعمِل من كُفوف إيدي
ورق أبيض…
وتكتب فيه:
“بحبِّك،
إنتي كل الدنيا،
مولاتي….”
وكلام تحتيه!
وتِطبَع بوسَه فوق الكاف
وتِمضي بضحكِتَك جَمْبيه
وتِتْملَّى في ملامح كَسفتي العَشْقانه من كل الحروف.. إِسْمَك
ولهفة صوتي بتوَضّٓيه !
بشوفَك
مُستكين في عنيَّه
مِتْغطِّي.. بسعادة طِفل مَحضون جُوَّا نبض أمُّه اللي قادرة النُّوبة دي تِخَبِّيه
وتتمنى
وتِتْملاه
وتترحم على روح السؤال اياه:
“هيملِك جنتي واللا هيفضل في الحنين وَحْديه؟”
بشوفَك
فرحة الواصِل لخط نهاية السَّبق الطويل/ المُتعِب/ المَجنون
وبِتْعدِّيه..
وترفَع كاسَك الدَّهبي
وانا وقلبي
اللي بِنْعلِّيه
وترسمني …
أخيييراً
.. بعد طول الصَّمت أُغنيَّه
ترددها المسافة المُرعبة الساكتة اللي عشناها في زمان قبليّه
من قَبْليه!
ومَطْلعها:
“حبيبتي انْسيه
وهاتي ملامحِك الحلوة
أدندِنها
وأحدِفها
لأبعد شمس في التّبانه
، آخر كوكبين بعديه !”
بشوفَك جُوّا أحلامي
بتبكي ودمعَك الطيب
بيِطَــيِّب
وأنا جمبيه
أقولّك:
“فات أوان الدمع”
تقولِّلي: “دا حلم”
أقول: “خليه” !
تقولِّلي: “يا ريت أكون قادر تِكوني..وتقدري تِصَحِّيه
فتِلْقيني !”

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement