الموقع الرسمي لمجلة حور الدنيا
مجلة شبابية



حدوتة كبيرة

2016-01-25
 

جدتي |سمر محمد

More articles by »
Written by: admin

جدتي لما لاقتني ف مرة بعيط
ورافضه تماماً إني أحكي ..
فضلت قاعده جنبي ..
واما فاض بيها من سكوتي و بكايا ..
أتكلمت ..

قالتلي //
يـ ” روح” خلي بالك ” و أختاري الحب
.. أختاري طيف الونس ” ..
أصل أحنا أتخلقنا ف زمن ..
واللي بنحبهم أتخلقوا في زمن تاني ..

أنتي ممكن تنفصلي عن حد وتفضلوا متابعين بعض،
وممكن تبقي مع حد، وأنتوا زي الغربة .. بتتلونوا ..
وتقولوا عشان الحياة تعدي ..
الفكرة مش وجود شخص !
الفكرة أنك تبقي مؤمنة بوجوده ..

وكملت //
هتقابلي ناس في جيلك ..
بس بشر .. ” والبشر بيوجعوا ” ..
وأما يوجعوكي ..
إنتي من نفسك ” هتبدئي توجعي “..
ساعتها أستغربت وقولتلها ..
– أنا مقدرش أوجع حد ..
– ردت قالتي إنتي مش بشر يا ” روح ” ..
– قولتلها آه
– يبقي هتوجْعي .. حال الدنيا بتوجع اللي لسه بعقله !
ولازم يروح فيها ” قلوب كتير ” ،

عارفه يـا بت يـا روح
الناس متستاهلش البكا ،
انا قابلت انواع كتير ويامــا ” دقت علي الراس طبول” سابوا في قلبي 1000 حلم و 100 رصاصة ،

” الناس زي الحلم ” و في منهم اللي بيتقلب كابوس ..

– في ناس بتتولد وبتموت ” بكر” .. بس القلب لو حب عمره م بيرجع يبقي طفل تاني، ومفيش أنسان مبيحبش ي “روح” مفيش قلب متلمسش ،

و في ناس مينفعش تتبرأي منهم .. زي أهلك أو أولادك .. بس مش معني كده أن هما فكرينك .. بالعكس،

و في ناس هيدخلوا حياتك.. بس فرق السن و المقامات و الظروف تخليكي تقول 1000 مرة يارتني قابلتهم من زمن الزمن..

وفي ناس زي القدر متعرفيش تنفصلي عنهم، عشان تحكماتهم الزيادة في حياتك ، وأول م تسبيهم تكتشفي قد أيه انتي غبيه .. ” الأهتمام لو بيخنق أحسن بكتير من عدم الأهتمام و أحسن من بواقي الأهتمام اللي حد ممكن يسيبهالك “

وفي ناس هيدخلوا حياتك فجاة وهيخرجوا فجاة، وأنتِ متعرفيش السبب، بس لو أتعلقتي بيهم هتفضل متعلقة طول حياتك ..
وبيجي وراهم علي طول ناس هتحبيهم بس وظيفتهم أنك لم تحبيهم أوي يبعدوا .. خلاص اللعبة خلصت ..

وفي نوع بيدخل حياتك ” بيجي بعد ما كل حاجه تتكسر، و هتسحليهم معاكي بالرغم من كل حاجه، عشان كام موقف علموا عليكي.. الوجع صعب وبيعلم، ..

وفي ناس، زي الدكاترة .. هما تعبانين من كل اللي حواليهم بس بيعرفوا يداووا كويس .. ”

وفي ناس تبقي كويسة و فجأة تلاقيها عايشه في دور المؤامرة وانك سر تعاستها ، الناس دي بأختصار لقت بديل ” ..

وفي ناس بتفضل تدور ف كل دول علي واحد يدعيلها لما تموت ..
انتي فاهمة الفكره ” الونس مش الضحك والهزار، ولا الجواز ولا الطلاق
الونس اللي بجد .. هو ان حد كل يوم يزورك عشان متبقيش لوحدك وانتي شوية تراب .. هو ده الحب ..

اللي بتعيطي عليه ده وسابك دلوقتي؟
هيزورك كل يوم لو بقيتي شويه تراب يا روح
– أمسحي دموعك ..

لروح جدتي .. رحمة الله عليها ,, أدعولها ..
وبشكركــم للقراءة ..
للكاتبه / الروائية سمر محمد ..

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement