الموقع الرسمي لمجلة حور الدنيا
مجلة شبابية



28 حرف

2015-10-02
 

لحظات حب| سمر محمد

More articles by »
Written by: admin

” أول مرة – البدايات ”

– عمر // تراهني إن أول بدايات الحب ف حياتي كانت أقوي “
– نتراهن .. طيب ع أيه ؟
– شوكولا ..
– طيب سيبي الرهان للأخر .. وأبدئي ..
طيب ،،
اول يوم كان في المترو – كان زحمة وحر – كنت لوحدي من غير صحابي او اهلي ” رايحة الكلية “.. الحياة مبتساعدتش الواحد ف المترو الا انه يقعد في صف عزا كبير لو لقي مكان، وأكتشفت بعد أول أسبوع إن الموضوع عادي وتعود، المهم أصلاً اني أوصل المحاضرة بدري من غير ما يعطل ومن غير م أتاخر، واسبوعين تلاتة و بقيت ببص ف وشوش الناس وانا ماشية، وبلاقيهم بصين لي ساعات، وبعد شهر واتنين اتعودت ع ملامح كتير منهم ..
اكتشفت الحب بالعشـــرة والتعود .. – ده شئ مكتسب –
الحب بالنسبالي كان
– ” جيران المترو اللي بشوفهم كل يوم في العربية الاخيرة .. اللي بتجمع شوية الهدوء ف اول كام محطة قبل الزحمة .. وبقينا بنبتسم لبعض ابتسامات خفيفه.. وبنودع بعض بنفس الابتسامة ، في سكوت
حسيت بالحب ده لما كنت بعيط ف مرة ولقيت ست بتوصل بناتها كل يوم المدرسة كلمتني هي وبناتها هزروا معايا وكانها عرفاني من كـــام سنه، ..

ابتسم هو في حين جلس يفكر ف اول احساس بالحب ..
اول مره حسيت بالحب – لما شفت بنت بتتخانق عشان اخوها الصغير .. لمجرد انها اطول منه واخوها بيعيط وهي من غير ما تستوعب ضربت واضربت عشانه

و اختي عملت عشاني كده ف مرة – بس من ساعتها وانا بقيت خايف عليها اوي .. وحبتها لاول مرة .. وعرفت ان الأخوات البنات ب 100 راجل .. ولما بقيت اطول منها – بقيت بقولها ي اوزعتي ..

عارف .. اول مره حسيت بالحب، لما بابا صحبتي اتوفي – ولقيت بتاع السوبر ماركت مبياخدتش منها فلوس كل ما نشتري اي حاجه – الراجل يقولنا الحاجات الحلوة النهاردة للأطفال الشاطرة ببلاش .. ” ولما كبرت عرفت بــ الصدفة ان بابا كان بيدفعلنا الحساب ع طول ” لان اللي اتوفي كان اعز صحابه .. وصحبتي لحد النهاردة بتقول لبابا ” ي بابا ..
وساعتها بابا قالي – الابوة مش لطفل واحد – مجرد ما تبقي ام هتلاقي عندك مشاعر الامومة ناحية اي طفل هتقابليه فـ الشارع – ، والصداقة مبتموتش .. لان اي حاجه من ريحة الميت ” تعني وجوده “..

ممم/ طيب اصبري .. هفكر
اول مره حسيت بالحب لما لقيت امي بتقرأ سورة البقرة مرتين – مره بنيه انها ليها ، ومرة بنيه انها تشفي مريضه كانسر ” كانت بتابعها ع طول ” لحد ما عرفت انها خفت .. وساعتها قالتلي الحب انك تدعي لحد من غير ما توجعه .. خليه حتي ميلاحظش انك بتدعيله ” عشان ميحسش انك بتشفق عليه ” لان احساس المريض متقدرش تتحكم فيه ..

– الله
– طيب بتعيطي ليه ؟
اول مره حسيت بالسند والرجولة ف الشارع .. لما اتخانقت عشاني .. وقولت للناس – بيعاكس اختي – .. فالناس بقت في صفك ، وانا مشيت جنبك وكانت اول مرة ف حياتي امشي جنب حد معرفهوش ” بس مطمنة ” .

عارفة..
اول مره حسيت بالحب .. اما شوفتك بتعيطي بس مش دلوقت ..
– انا ؟؟
– متقاطعنيش بقي لو سمحت .. كفاية كده .. !
اه انتي .. حبيتك لما شوفتك لاول مره .. واتأكدت من ده لما شوفتك بتعيطي
عرفت ساعتها يعني ايه اكون مسئول عن حد .. مستغربة ليه؟ .. جايز جداً اكون ركبت ف المترو، العربية الاخيرة ف مرة وحبيت اركبها كل يوم جايز اشوفك تاني صدفة ف نفس الميعاد، شئ جنوني كده .. لحد ما اتشجعت وعرفت انك معايا فـ نفس الجامعه ، فلقيتك بتقربي المسافات، وبتساعديني ومتعرفيش انا حمدت ربنا قد ايه لما لقيت حد راح يتكلم معاكي لحد م ضحكتي .. و لما اتعرفتي بيا ” شوفتيني شهم ” عشان اتخانقت عشانك .. الحب مسؤلية.

الحب مسافات – ربنا هو اللي بيقربها – بيختبر قلوبنا .. وبعدين بيهادينا ببنأدمين شبهنا .. في كل حاجه ..

ع فكره .. احنا كنت متراهنين ..
– اه ي عمر .. انت فزت من بدري .. عاوز ايه دلوقت
عاوزك تسجلي اللحظة دي – وتحددي ميعاد مع بابا
.. توثيقاً للحب ..
تتجوزيني – ! ..

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement