الموقع الرسمي لمجلة حور الدنيا
مجلة شبابية



28 حرف

2015-09-24
 

أنا أولى | محمد حجازي

More articles by »
Written by: admin

انا اولي
بكل حاجه انا اولي
انا مش عاله ع الدوله
وناس سقياني ليه الذل
وناس ع دمي متقاوله

ف حاله من التعب بتسود
زهقت صرخت قولت بموت
قالولي الحس وطي الصوت
ومين انت وليه انت بتتكلم
صرخت وقولت بتألم
قالولي اديك بتتعلم
شوية صبر
ودوقت المر
نسيت اصلي نسيت نفسي
نسيت اني كمان عايش ومولود حر
يامركب سايره في المينا
ولما بعدتي جت موجه
وناس حريفه نهبوكي
وطلعوا هما ف الهوجه
انا المنهوب وانا المغلوب
علي امري وعلي حالي
انا المقتول 200 مره
وعمري ما كنت يوم غالي

علي بلدي تملي رخيص
وجايب قوتي بالعافيه
انا اللي مشيت ف عكس الريح
وجبت لنفسي انا الكافيه
مهي آفيه
قصيده شعر مع قافيه
ومسلوب حقي انا فيها
انا اللي لما جات تعبت
سهرت الليل بداويها
انا عاشق تراب بلدي
وبعتب بس انا عليها
تكون هي ف يوم سندي
تزيح الدمعه تخفيها
وييجي العيد بطبع زمان
وتملي الفرحه كل مكان
تكون غزه بقت حره
وننسي خلاص بقي الاحزان
انا حلمي بسيط جدا علي قدي
منا انسان
ونفسي في بلدي اكون فرحان

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement