الموقع الرسمي لمجلة حور الدنيا
مجلة شبابية



غير مصنف

2015-05-14
 

الجمع الغاضب بتردد| محمد زيدان

More articles by »
Written by: admin

الارض تحت المحاكمه

الارض تحت المحاكمه

زحمه وصوت عالي وتمرد
وقف القاضي
– في ايه ياحضرات
الجمع الغاضب متردد
– فينا كتير مات

محـكمــه ..

– مين الجاني ؟
– هذا الكوكب .
– امسك ياشاويش اوعي ﻻيهرب
– ماتخافش انا ههرب منهم فين
– اقفم صفين ، واستنو شويه

– ” سكان الكوكب المغمور
يا اصحاب الوشوش الوفات
كوكب بيلف ويدور
فطبيعي يكون شئ فيكم مات “

واخدتو من الكوكب علامات
وبهت لونه وطـبعه عليكمـ
وزرع منه مية شئ فيكمـ

من خط الطول لخطوط العرض
عايشين بتبيـعو حاجات ياما
بعتو مبادئكو وبعتو الارض
وقلبتو الكوكب دوامه

وقلبكم كامـ مليون نسخه
من اصل عقيمـ

نبدأ تحقيقنا مع الكوكب
مـ الاول ,, سين

– الاسمـ ؟
– كوكب كـدا زي مابيقـولو .
– السن ؟
– العمر بيقصر من طـولـه ، فمالوش داعي
– الـموقـع
– شارد فـ مجره بتلف الكـون
– التهمه ؟
– اعادتي للكره فبقيت مجنون
– بيقولو عليك بالفطـره عقيمـ !
– طول عمري عقيمـ قوي ف وجودهمـ .
– بتلـف وبتـدور وبتكـذب !
– وده شئ عـادي ف كل وعودهمـ
– اختـرعو الطيـران والصـواريخ
– وﻻ يشغلنـي
– بيقـولـو هيطلـعـو ع المـريـخ
– شئ يسعـدني
– غلباوي وشكلك هتبيعهمـ
– انا شاري وهم اللي باعوني
– طب جرب مره كدا اسمعهم
– مية مره سمـعت ماسمعونـي
– بيقـولـو بلوتو هادي جدا !
– انا من غيرهمـ كنت اهدي كتير
– النـاس بدأت تطلـع فعلا
– اغبيـا وﻻ فيش اصـلا تفكيـر
– سخريه ف الجلسه يامتمـرد ؟
– اصـل هروبهمـ ده مالـوش تفسير
– يعني انت بتسخر متعـمد
– طبعا طبعا
– فـكر تاني مش متـردد
– ابدا ابدا
– رسمـوك مقـلب كله زباله !!
– شاغـلين اركـان كل المقلب
– يعنـي انت اللي بقيـت العاله ؟؟
– اسمحلي ف تحقيقك اكذب ، انا العاله ..

– بعد التحقيق والتدقيق
والسؤال والتحريات

” يفرج عن هذا الكوكب
بكفاله ميتين مـ المنتحرين
وضمان السكان والحاله
وبكذب الصدق انه العاله “

– تسمحلي اطلب منك حاجه ؟
– اتفضل من غير كتر كلامـ .
– مش طالب غير حكمـ الاعدامـ

– يقفل ف الساعه وف تاريخه ….
– وانت ياسيد اخرج بره .
– علي فين ههرب منهم طيب !!
– يالا اخرج شوف اي مجره
– انا خارج شكرا علي فكره ،
ارجوك فكر واحكمـ بكره
محمد زيدان

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement