الموقع الرسمي لمجلة حور الدنيا
مجلة شبابية



إبداع الحور

2015-02-20
 

الصوت قوي | سلمي عصام

More articles by »
Written by: admin

الصوت قوي ..
وانا جسمي مل الاهتزاز ..
جوايا شئ مِ التهلكة ..
قررت اهرب فأنقفل .. باب المجاز
والمستقيم فيا انحنى ..
والعُمر اصبح من ورق .. كُله ألتوى !
فصل الشتا جوا الضلوع.. عمره بسنة!
والبرد عايش جوا مني بينطوي
كُل المطر داخل لقلبي ..
ولسة متوسخ اوي !
الرعد ليه عمال يزيد ؟
والصوت يزيد .. والصوت قوي !
الصوت وجع ..
حسس على الجرح القديم
لقيتني بتنفس هوا .. كل اللي فات
زود في إتلاف الرئة
خلّص بقايا الاكسجين .. !
الصوت رسايل مُبهمة ..
تفسير معادلات الوجع :
بيقولي ما تخلّص بقا”
راجع على مهلك اوي
والموت اراضي مشققة
ميت وقبل ما تتولد
ميت وجاهل للحيا
ارجع لموتك يا ابن آدم
قبل السنين ما ترجعك!
الجرح زايد ف النزيف
وبيوجعك .. “
.. والرعشة ف ايدين اللي فات
قلبت وفجأة صداع خفيف
بتْسَّنِد بكتف الذكريات
واقع كما ورق الخريف !
جوايا موضع مِ الخَلَل ..
وذنوب تتقل ف الميزان
جوايا موضع م الخلل
وبجد ناقص ل_ اتزان
بسرح ف تكوين الضلوع
وازاي تدمرها السنين !
واشمعنا بشبه للنيران !
نبتة ارتوت من نار جحيم. !
والموت مصير..
درويش وعايش ف البارات
علشان ضرير
بلف واخبط في اللي فات!
ومازال ضلوعي بتنجزع..
درويش وبيسبّح اوي!
الصوت وجع.. الصوت وجع!

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement