الموقع الرسمي لمجلة حور الدنيا
مجلة شبابية



إبداع الحور

2014-11-26
 

كرامة .مي محمد

More articles by »
Written by: admin

 

 

من الحاجات اللي مجتمعنا مصاب بيها عامة و بيعاني منها. . مسألة ‘ الكرامة ‘ أو بمعني أصح ‘ الفهم الخاطئ للكرامة ‘

يعني لو تخيلنا أن حد قريب منك حد شتمه و هو سكت و مردش و لقيته بيتعامل معاه حلو هتبصله بقرف وتقوله ‘ أيه دا أنتَ معندكش كرامة ‘

بس لحظة لحظة. . أحنا ليه بنردد كلام محناش فاهمين معناه ?! طب تعالا نتناقش شوية. . المعاملة بينا و بين ربنا أشبه ما تكون بالتجارة .. بس تجارة زمان اللي كانت قايمة علي التبادل ..

يعني أنا أديك موزتين تديني أنت رغيفين عيش و كدا تعالا بقي نوضح المسائل شوية أنتَ دلوقتي بتعرض تمتعك بالمغريات اللي ربنا حططهالك – في انك متزنيش. . متنافقش. . تصلي بدل ما تتفرج ع التي في. . تاخد من مالك تديه للفقير – مقابل أنك تتحصل علي رضا ربنا و الجنة

تمام. . دلوقتي بقي في offer جديد – مش أوي – نازل في السوق .. هذا العرض عبارة عن : جنات + الخلود + غفران – إن ربنا يسترهم يعني و ميعاقبهمش – + جنة عرضها بطول السماوات كلها و الأرض

بس هذه الحاجات مبتتبعش إلا لمستحقي الدعم من الله. . الناس دول بقي في هرم البشر اسمهم ” المتقين ” و منهم : الناس اللي بتصرف في سبيل ربنا سواء كان حالتهم كويسة او لأ – و الناس اللي بتتحكم في غضبها و مبيتحكمش هو فيها – و الناس اللي بتنسي لغيرها اخطائهم – و الناس اللي بتعمل مصايب أو بتظلم نفسها – بالذنوب – و بترجع تستغفر ربنا بدل ما تكمل اللي بتنيله . استني كدا لحظة بس .. فلاش باك معاك لو سمحت الناس دول منهم مين. . الناس اللي بتتحكم في غضبها مش غضبها اللي بيتحكم فيها و الناس اللي بتسني لغيرها اخطائهم يعني الناس اللي بتكسب من العرض دا و بتكسب كتير جدًا. . هي الناس اللي بتعدي و بتعامل بالأحسن .. بتعامل بالأحسن. . استني الجملة دي بتفكرني بالآيه دي ” و أدفع بالتي هي أحسن فإذا الذي بينك و بينه عداوة كأنه ولي حليم ” يعني الفرود مش اللي بيرود. . طبعًا هتقولي ان كدا صعب و دي أجتهادات دينية و أن آخر طموحك أن تعدي أمتحان الدنيا ب مقبول. . اللي هي أول جنة و كدا رضا

هقولك تبقي عبيط بص يا سيدي .. بتسمع عن إبراهيم الفقي -رحمة الله عليه – بص يا سيدي الراجل دا بيوقلك أن لما أن الأحساس دا هو البنزين اللي بيحركك. . و أن يا سيدي اما انت بيسيطر عليك أخر احساس حسيته من اللي ادامك استني بس ايه الكلام اللي مش مفهوم دا فاكر فوق ? قولتلك يا عبيط حضرتك دلوقتي مفهمتش أي حاجة يا سيدي و مش هتستقبل أي حاجة من كلامي و تلاقيك نسيت العرض اللي قولتهولك فوق عشان انا اديتك طاقة سلبية بكلمة يا عبيط

أنا اسفة بس الشتيمة كان ليها دورها

لما الطاقة السلبية دي بتسيطر عليك بتجيبلك امراض اد كدا – فلنذكر منها الصداع المزمن – و اخرهم مرض القلب. . لأن ضغط دمك بترفع و حضرتك متأثر بالكلام و ناوي ترد و تدي بالشبشب

قولي بقي .. حضرتك قللت من كرامتك ? لما سكت و ابتسمت تاني و عاملت بالحسني. .

لسه حاسس أن كدا بيكون ظلم للنفس و قلة كرامة

أحب افكرك ان من أشهر ذكرياتك عن الرسول. . قصة جاره اللي كان بيرمي الزبالة علي بابه كل يوم. . فكرني اذا كان الرسول شتمه ? ابدا يا سيدي اما مرماش الزباله راح زاره و عشان كدا الراجل دا دخل في الإسلام

دلوقتي انتَ من اول يوم كان زمانك مسحت بكرامة جارك الارض و ازاي و ليه و ازاي يجرأ اصلا .. و كرامتك و مش كرامتك .. سألت أنتَ نفسك قبل كدا. . ” هو الرسول معندوش كرامة ” بالعكس. . الرسول كان أكمل الناس عقلًًا. . دلوقتي الدراسات اللي أنت بتقراها و مستمع بيها بيتقولك أن الناس النضاجة فكريًا هي اللي مبتفكرش في الأنتقام و مبتردش

دي #من_قلب_الشاليمو

مي محمد

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement