الموقع الرسمي لمجلة حور الدنيا
مجلة شبابية



نبضات قلم

2013-03-14
 

ع القــهوة

More articles by »
Written by: admin

ع القهوة ..

مصطفى أكرم

ع القَهوة ..
حياتك تتسرق سَهوة ..
فـ كام مشروب فـ كام عَشرة ..
و دور سخن فى الطاولة ..
و فرجة ماتش في السهرة ..
وتصبيره بكام شَقة ..
و تحبس بعدها بالشاي ..
صعيدي تقيل مش فتلة ..
لكن وسط الزحام تلقاه ..
لوحده من زمان قاعد ..
ساعات يقرأ فـ جرناله ..
ساعات يسرح فـ أفكاره ..
ساعات يشرأ فييجي يكح ..
يخاف نشوفه بعيوننا ..
فيكتمها ..
و لو سمع مننا نكتة ..
و هربت ضحكته منه ..
فيدفنها ..
مالوش صاحب ..
غير شايه و جرناله ..
و عصاية خيبانة ..
بتتسند عليه هيا ..
و جاكتة بجيب واحد ..
و قميص كان لونه أبيض ..
و شعر شاب من الوحدة ..
و ضحكة مستخبية ..
و دايمًا ييجي في معاده ..
و دايمًا يمشس في معاده ..
و دايمًا ليه طلب واحد ..
يقرب ربنا معاده ..
و ينزل قبر مش هتهمه أبعاده ..
عشان يرتاح ..
من صمته ..
من نفسه ..
من شايه و جرناله ..
من كحة بيكتمها ..
و من ضحكة بيدفنها ..
و من سرحانه فـ اللنضة ..
و من فوقانه على ضحكة ..
و كام خبطة ..
لواحد كسب عشرة ..
فى دورة عشاق الطاولة ..
يقوم يمشي  ..
كأنه مش راجع تاني  ..
لكن يشتاق ..
لسرحانه و أحلامه و بقين شاي ..
لكن يشتاق يكون غريب جدًا ..
يشتاق لمنظر اللنضة ..

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement