الموقع الرسمي لمجلة حور الدنيا
مجلة شبابية



غير مصنف

2014-10-22
 

الناس بحور

More articles by »
Written by: admin

في ناس هتموت وتبقالك
وناس دمعتها تحلالك
وناس اصلا بيجرحوا فيك
وناس مش حابه غير مالك
وناس بتحب فيك حالك
وناس اصلا بتلعب بيك
وناس من نظره تصفالك
وناس من عشره تبقالك
وناس بيسيبوا روحهم ليك
…………
وناس بتشوفها وبتفرح
وناس خداعه وبتجرح
وناس بتدوس وتيجي عليك
وناس ف قلوبها ليك مطرح
وناس فيها الامل يطرح
وناس بتشيلها جوه عنيك
وناس عايشه الحياه مسرح
وناس تكدب وبيك تسرح
وناس بتشوف امل بعديك
……………..
وناس بتعيش على ذكراك
وناس وياك ومش فاكراك
وناس بتنام وتحلم بيك
وناس لاجلك تدوس اشواك
وناس لاجل انها تنساك
بتعشق ناس وتيجي عليك
وناس تكذب تقول بهواك
وناس تعشقها من جواك
وناس تنفيها من اراضيك
…………..
وناس مع ناس , وناس على ناس
وهي الدنيا ايه غير ناس
فـ هتقابل كتير وكتير
هتدي لبعضهم اخلاص
وتاخد عجز من التفكير
وتديك ناس بحور احساس
وتديها انت جرح كبير
وناس توهبلك الانفاس
وناس تفضل معاها اثير
…………….
فهتقابل وهتقابل
وتعرف كل يوم الوان
ساعات بتقول انا استاهل
وساعه تقول ياريتو ماكان
فـ عيشها ياصحبي بالساهل
ده لسه الفرح ف الامكان
واوعي تكون ف يوم جاهل
ولا تاخد غير الاحزان
وعيش وافرح وحب الناس
لان الناس بحور والوان

كتبها:

محمد زيدان

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement