الموقع الرسمي لمجلة حور الدنيا
مجلة شبابية



غير مصنف

2014-05-11
 

(عشنا وشفنا)

More articles by »
Written by: admin

(عشنا وشفنا)

 

أنسام العوامى

ماعدد المرات التى قيلت أو طرأت أو حتى مرت مرور الكرام على مسامعك وسمعت هذه الجملة؟ فصحى لأ .. تعالوا نتكلم بلغة الشارع .. لغة دارجة أهو حتى تتماشى مع عنوان موضوعنا .. دايما بنسمعها فى مجالس النميمة أو من سيدة فاضلة تبص بإزدراء على ولد وبنت ركبوا الإتوبيس سوا وبيضحكوا مثلا .. فتقول (عشنا وشفنا) أو راجل كبير زى والدك لقى شاب كنيش ولابس حظاظة فيقول (عشنا وشفنا .. جيل مهبب) .. طبعا اللى بيقرا الكلام دة بيقول إيه الهرى دة كله؟!! طب بس إستحملنى وتعالى بقى نعرف سوا إن إحنا جيل عاش وشاف العجب .. أه والله..(عشنا وشفنا) جيل غريب وتسمحلى أقولك إن إنت أو إنتى من الجيل المنحوس دة .. صحيح محاربناش ولا عاصرنا حروب .. يادوب والدك إحتمال يكون حارب فى حرب أكتوبر .. وغالبا لأننا جيل بيلخص وسريع عرفنا حيثيات الحرب من الأفلام العربى إلا من رحم ربى طبعا وقرا كتب وغالبا اللى وثقها محمد حسنين هيكل وعلى قناة الجزيرة (شوف الزمن هيكل والجزيرة!) .. نرجع لموضوعنا إحنا جيل بيتحارب نفسيا بكل الوسائل فبالتالى أصبح معظم شباب الجيل غير سوى .. جيل مش عارف هو عايز إيه؟ زى مثلا ظاهرة مقاطعة أفلام السبكى يقوم فيروس إبن لذينة يفضح معظم اللى قالوا كدة على حسابهم الشخصى على الفيس بوك (بنات وولاد) اللينك بيقول شاهد اللقطات المحذوفة من مشهد إغتصاب هيفاء وهبى! ياجدع دة بجد / دة إنفصام دة ولا تضليل فعلا (عشنا وشفنا) لما دة فى العالم الإفتراضى اللى فيه أقنعة وإدعاءات يطول شرحها .. بالنسبة بقى للواقع هتلاقى إغتراب سياسى ودينى وأخلاقى جيل يشبه الطقس اللى إحنا فيه دة يوم حر ويوم زعابيب ويوم برد قارس مش راسى بمعنى أصح بنتخبط بسبب حاجات كتير أولا البلد مش موجودة أحلام شبه معدمة طموحات مدبوح جناحها فطبيعى مش هتطير ولا هتوصل .. طب والحل؟ الحل نبطل إدمان حاجات كتير بتضيع الوقت تيجوا مثلا نقفل النت شهر ونرجع تانى لحياتنا الطبيعية .. شوفى بنت أختك دخلت المدرسة .. وإنت أخوك إتخرج وإنتى ياطنط الأكل شاط والدخان عمانا .. أسيبكوا أنا بقى عشان أتابع الجروب بتاعى (صحيح عشنا وشفنا)

يتبع

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement