الموقع الرسمي لمجلة حور الدنيا
مجلة شبابية



28 حرف

2014-01-15
 

سالفل

More articles by »
Written by: admin

سميه إبراهيم

 

أحنا دلوقتى بقينا نعيش فى زمن غريب ومخيف ومريب للغايه.

أيوة فعلاً زى ما أنت بتقول كدة بالظبط أحنا مبقناش نحس بالأمان والأسعار بقت كل يوم فى العالى كمان ومحدش بقى عارف يتجوز ولأ حتى يكمل تعليمه اللى بالمجان وبقينا مشغولين كدة بس بشوية حاجات تافهه شاغله بال كل الناس من أول جيل التسعينات حتى جيل الألفين .

المشكلة بقى أننا مبقاش عندنا حدود حتى فى الكلام والألفاظ اللى كٌنا بنقول عليها عيب زمان دلوقتى بقت فى البؤق زى اللبان ومتبقاش روش لو مقولتهاش فى قاعدة مع أصحابك او حتى فى لمه العيلة ؛ مش بقولك أحنا بقينا فى زمن مخيف ومريب دلوقتى لو جربت تروح أي كافيه شوب عشان تشربلك فنجان قهوة تروق بيه الدماغ وتنسي هم الزمان هتلاقى بجوارك شله بنات فى الأعدادى طالبين شيشه تفاح عشان بردوا يعملوا دماغ وينسوا هم المذاكرة ودوشة البيت والاباء .. ومش بعيد تلاقيهم مستنين باقى الشله وهما الولاد مش بقولك الحياة بقت أيزى خالص يا مان ومش مهم بقى تعب بابا فى الشغل عشانى أنا وأخواتى ولأ قلق ماما عليا طول ما أنا مش قدام عنيها ولأ حتى خوفى من ربنا اللى موجود معايا فى كل مكان.

المهم عندى أعيش سنى زى ما بشوف فى الأفلام.. دوول حتى مرحموش الاماكن العامة اللى بتتجمع فيها العيلة عشان يفسحوا العيال .. جرب كدة تروح الجناين اللى فى مصر بس بلاش جنينه الأسماك أصل سمعتها سباقهه بسبب الحبايب واللى بيعملوه هناك مش بقولك دوول موجودين فى كل مكان يعنى عشان تحافظ على نفسك عليك بأتباع الأتى:

1- حبس نفسك فى البيت وتلم العيله حواليك ومفيش ولأ تليفزيون ولأ نت يخرب العقول.

2- أفتكر أيام زمان والشخصيات اللى قربنا ننساها زى مثلاً (الشعراوى وباقى العظماء).

3- بلاش تخلى العيال يروحوا مدارس أو جامعات كفاية تخلى تعليمهم أون لاين أصل زى ماقولنا قبل كدة الدنيا مبقاش فيها أمان.

وفى الأخر البنت بقت تشرب سجاير زى بابا عادى ماهو مش فارق معاها العادات والفساد بقى منتشر جوانا ومش عارفين الأسباب ياترى العيب علينا ولأ على الأباء ولأ من الزمن المخيف اللى غدر بينا.. شكلك كدة هتفكر كتير بس قبل ماتفكر فى الأسباب فكر فى الحلول الأول …

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement