الموقع الرسمي لمجلة حور الدنيا
مجلة شبابية



28 حرف

2013-12-17
 

شيزوفرينيا

More articles by »
Written by: admin

مصطفى أكرم

ماشى بميت شخصيه ..
مره شديد و عيونه قويه ..
مره خفيف و روحه شقيه ..
و مره غريب ..
شايل قلبه فى الكراكيب ..
و مره بيضحك مش من قلبه ..
ومره بيزعل مـ اللى يصارحه ..
و مره يصاحب من كان ضده ..
و مره غريق ..
و مره يقولك إنت واحشنى ..
و هو ناسيك ..
و مره يسيبك و يقوم يمشى ..
و يكون محتاج بس عنيك ..
و مره يقرب ..
و مره يجرب ..
و مره بيهرب ..
ليه مستغرب ..
أصله غريب ..
لكن وقت ما هيا تبان ..
كل حقيقته معاها تبان ..
أصله و فصله ..
طبعه و قلبه ..
عامل إيه ..
ويا الناس بيكون ليه هيبه ..
أما معاها مليون خيبه ..
مره يتهته ..
مره بيسرح ..
مره بيسكت و لا يتكلم ..
و مره بيلعب زى العيل ..
و دايما يجى على صوتها ينام ..
و أما تقوله عامل إيه ..
يرد بسرعه كله تمام ..
مش إنتى تمام ..؟؟
أبقى تمام ..
و أما بتضحك ..
صوت ضحكتها ليها مفعول ..
جوا فى قلبه مش معقول ..
ممكن يرقص ..
ممكن يضحك ..
ممكن من جواه بيقول ..
إنه عاشقها ..
إنه حبيبها ..
إنه معاها مش هيسيبها ..
إنه مقصر مهما يقول ..
جواه فيه مليون شخصيه ..
لكن و هو معاها إنسان ..

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement