الموقع الرسمي لمجلة حور الدنيا
مجلة شبابية



بنات النبي

2013-05-18
 

الشجاعة

More articles by »
Written by: admin

الشجــاعة

عبد الله جـــادو

 بنات النبي هن كل بنات المسلمين .. كل بنت من أمة محمد هي بنت من بنات محمد .. ولازم تتعامل في كل حاجة في حياتها وهي فاكرة إنها بنت النبي .
قبل ماتلبس أي لبس تفتكر إنها بنت النبي … قبل ماتقول أي كلمة تفتكر إنها بنت النبي .. تفتكر إنها بنت خير خلق الله .. لازم تكون خير قدوة لكل البنات اللي حواليها.

الشجاعة دي صفة المفروض تكون فينا كلنا سواء كنا رجالة أو ستات الشجاعة إنك تقدري تقولي كلمه حق .. حتى ولو كانوا كل اللي حواليكي بيقولوا باطل الشجاعة إنك تدافعي عن حقك .. عن نفسك .. عن … زوجك

عن زوجك .. هي مالها حلقة النهارده .. شجاعة .. وتدافعي عن زوجك .. إيه ؟؟ أنا قاصد على فكره .. تدافعي عن زوجك دي ما قلتهاش غلط زي كده … نائلة بنت الغارض .. زوجة أمير المؤمنين عثمان ابن عفان كانت معروفة بالرأي الناجح كان ما شاء الله عليها كانت دايما لما بتقول حاجة بتكون صح يوم ماحدث الفتنة بين المسلمين .. واتحاصر بيت أمير المؤمنين سيدنا عثمان بن عفان ومنعوا عنه الأكل والمياه  وكمان منعوه من الخروج للصلاة وطالبوه أن يترك الخلافة .. رفض سيدنا عثمان وقال ” لن أخلع قميصا كسانيه الله تعالى ” دخلوا عليه البيت .. ماجريتش ..  دي رمت نفسها على زوجها لما  تكتلوا عليه الرجال

وتلقت السيف بأيديها .. وتقطعت صوابعها .. انتوا متخيلين يا جماعة .. شفتوا إن الشجاعة صفة مالهاش دعوة براجل أو بست في ستات كتير سابوا بصمات في تاريخنا بمواقف زي كده كتير الشجاعة إنك تنصري الحق في وقت انتشر فيه الباطل الشجاعة إنك في الوقت اللي احنا فيه دلوقتي .. في عز الفتنة وانتشار اللبس العجيب اللي البنات بتلبسه الأيام دي

اللبس اللي النبي أبوكي شبه اللي بيلسبه كأنوا عارى لما قال الكساه العراه هي فاكرة إن هي لابسه .. بس هي كل تفصيله في جسمها باينة المشكله إن بسبب اللبس اللي بتلبسه ده .. مين اللي الزوج اللي بيتقدملها تخيلوا بقى .. اللي تعجبه واحده بتلبس اللبس ده هو هيحافظ عليها هيصونها إزاي .. وهي أصلا ما صانتش نفسها هيتقي ربنا فيها إزاي .. وهي ماتقتش ربنا في نفسها زي كده بطلة تانية معانا النهارده ماكانتش ملتزمة في لبسها في بداية حياتها ماكانتش محجبة .. ولبسها .. المهم لما كان حد بيسألها انتي ليه بتلبسي كده كانت بترد تقول .. أصل اللبس الملتزم  الواسع المحترم ده مش بيليق عليا ولما بلبسه بحس إن الناس بتضحك عليا هي الحقيقه مش الناس اللي كانت بتضحك عليها الشيطان هو اللي كان بيضحك عليها .. وهي كانت مصدقاه فضلوا زامايلها يقنعوها بالالتزام .. وهي مصرة وما بتسمعش لحد أصل هو كان في سبب تاني غير السبب اللي كانت بتقوله للناس وكانت مخبياه جواها .. السبب ده هو إن هي كانت فاكرة إن هي لو التزمت في لبسها مش هيجلها عرسان لا إله إلا الله كانت ناسية وعد ربنا ليها ولينا كلنا لما قال سبحانه

” ومن يتق الله يجعل له مخرجا ويرزقه من حيث لا يحتسب” فضلنا على كده لحد لما خلصت الجامعة بس برضه .. ماجالهاش عرسان بدأت تحس إن هي كانت غلط ..  وبدأت تفكر وتغير كل المبادىء اللي كانت ماشية عليها وأول حاجه قررت تعملها إن هي تقرب لربنا وتستغفره .. يمكن يسامحها وكانت كل ما بتقرب أكتر .. كانت بتحس بفرحة غريبة فرحة القرب من ربنا فرحة كانت محسساها إن هي أسعد إنسانة في الدنيا لحد لما قررت إن هي تلبس النقاب وفي الوقت ده بعد ماكانوا الناس حواليها بيقنعوها بالالتزام  وهي كانت بترفض علشان يجلها عرسان بدأوا يقنعوها بأن النقاب هيقلل فرصة الزواج .. بس مين هي كانت خلاص وصلت لمرحلة إيمانية مع ربنا .. ربنا يوعدنا بيها هي واثقة في ربنا عز وجل  وبعديها بفترة كانت في الجامعة .. بتخلص أوراق

وهي بتملى اسمها للموظفة في شؤون الطلبة اتفجأت بواحد بيسألها .. إيه ده هو انتي فلانة انتي مش فكراني أنا كنت زميلك في الدفعة هي افتكرته .. بس هي كانت مستغربة من فرحته وهو بيكلمها وفجأة لقته بيقولها أنا عايز رقم والدك علشان عايز أجي أتقدملك وهي مستغربة .. وقالتله أنا جاية النهاردة صدفة ومش معقول انت لما شفتني افتكرت إنك عايز تتقدم قالها أكيد لأ طبعا .. بس أنا من أيام الجامعة وأنا معجب بيكي وكنت دايما بدعي ربنا انه يرزقك الهداية .. وتكوني الزوجة الصالحة ليا بس فقدت الأمل لما خلصت الجامعة وانتي كنتي بتلبسي اللبس ده والفترة دي كلها كنت بحاول اني أشوف زوجة صالحة بس كنت دايما بكون فاكرك المهم إنه اتقدملها وإتجوزوا دلوقتى وربنا رزقهم بطفل

وبتقول بطلتنا .. إنهم من يوم جوازهم وهي عايشة أسعد أيام حياتها وكل ما تفتكر الأيام اللي ضيعتها في بعدها عن ربنا .. تندم وإن هي كل لما تقابل واحد الشيطان ضاحك عليها .. ومخليها تفكر بالطريقة اللي هي كانت بتفكر بيها زمان تصعب عليها وتحكيلها حكايتها بتقول يمكن لو واحدة اتغيرت بسببي

ربنا يغفرلي ويسامحني عن كل حاجة عملتها قبل ما ألتزم ربنا إن شاء الله يغفرلك ويغفر لكل بنات النبي اللي سامعيني دلوقتي ويجمعنا كلنا في أعلى درجة في الجنة في الفردوس الأعلى .. اللهم آمييين

 

 

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement