الموقع الرسمي لمجلة حور الدنيا
مجلة شبابية



بنات النبي

2013-05-06
 

بر الوالدين

More articles by »
Written by: admin

بر الوالدين

عبد الله جـــادو

 بنات النبي هن كل بنات المسلمين .. كل بنت من أمة محمد هي بنت من بنات محمد .. ولازم تتعامل في كل حاجة في حياتها وهي فاكرة إنها بنت النبي .
قبل ماتلبس أي لبس تفتكر إنها بنت النبي … قبل ماتقول أي كلمة تفتكر إنها بنت النبي .. تفتكر إنها بنت خير خلق الله .. لازم تكون خير قدوة لكل البنات اللي حواليها.

تخيلي يا بنت النبي ..إنك ممكن تعيشي في الدنيا بعيده عن ربنا وما بتعمليش أي حاجه تقربك منه وناسية كل اللي أمرك بيه وبتعملي كل اللي نهاكي عنه علشان ايه علشان الدنيا واخداكي علشان الشيطان ضحك عليكي وفهمك إن السعاده في الطريق ده الطريق اللي كل ما بتمشي فيه شويه بتبعدي عن ربنا كتير قوي طيب أقولك على حاجة؟ انتي ممكن تحققي كل أحلامك تعملي كل اللي نفسك فيه بس بالقاعدة اللي اتفقنا عليها في أول حلقات بنات النبي

القاعده اللي هي إننا ممكن نعمل أي حاجة في الدنيا بس بالطريقة اللي ترضي ربنا عيشي في الدنيا زي ما وصاكي أبوكي النبي كأنك تعيشين أبدا أعملي لآخرتك كأنك تموتين غدا ومن أهم عبادات الدنيا اللي لازم تخلي بالك منها لازم تعمليها زي ما ربنا وصاكي .. العباده دي هي رضا أبوكي و أمك عليكي

ربنا عز وجل وصانا وقال وبالوالدين إحسانا والنبي صلى الله عليه وسلم لما اتسأل من سيدنا عبدالله بن مسعود عن أحب الأعمال إلى الله عز وجل قال النبى صلى الله عليه وسلم الصلاه على وقتها فقال له سيدنا عبدالله بن مسعود ثم أي قال له صلى الله عليه وسلم .. بر الوالدين فقال ثم أي رد النبى صلى الله عليه وسلم وقال الجهاد فى سبيل الله

يا الله انتوا متخيليين يا جماعة النبي ذكر بر الوالدين قبل الجهاد في سبيل الله ماتعمليش زي واحدة الدنيا خدتها نسيت كل حاجه وما بقتش فاكرة غير الفلوس والمشاريع وبس نسيت إن ليها أم مالهاش غيرها في الدنيا نسيت إن أمها محتاجة منها رعاية محتاجة تاكل محتاجة تشرب محتاجة حد يناولها الدوا .. لما تكون تعبانة محتاجة حد يساعدها في دخول الحمام محتاجة حد يتكلم معاها يحسسها إن هي ليها قيمة يحسسها إن هي لسه عايشة في الدنيا زي ماكانت بتعمل معاها وهي صغيرة زي ماكانت بتأكلها وبتشربها وبتخليها في أحسن شكل زي ماكانت بتتكلم معاها بالساعات بالرغم انها ماكانتش بتتكلم وزي حاجات كتير قوي المهم إن الأم دي كانت بتتحايل عليها كل يوم علشان تجيلها تساعدها في أي حاجة تتكلم معاها بس هى الدنيا واخداها الدنيا قتلت جواها كل حاجه حلوه ما بقاش فى تفكيرها غير الفلوس والمشاريع وبس لحد لما البنت دي جالها تليفون من جارة أمها رديت عليها وسمعت أصعب كلام ممكن تسمعه في حياتها قالتلها ” أمك ماتت .. انتحرت .. بسببك انتحرت بسبب .. ان اليوم كان بيعدى عليها من غير ماتاكل عشان مش قادره تقوم تعمل حاجه تاكلها انتحرت بسبب ان هى كانت بتتكلم مع نفسها بالساعات لحد لما اليأس سيطر عليها .. وكرهت كل حاجه فى الدنيا مابقاش عندها أمل ان فى حاجه ممكن تتغير كرهت نفسها .. وكرهت الحياه وقررت ان هى تموت كافره بسببك خلصت المكالمه .. وخلصت معاها كل حاجه حلوه بتقول صاحبة القصه ان من يوم ما أمى ماتت ما ضحكتش ضحكه من قلبى بتقول كمان ان هى كل لما بتنام بتحلم ان هى واقفه فى مكان ظلمه وسامعه صوت أمها وهى بتقول .. انتى السبب .. انتى السبب

ربنا يعافينا ويعافى واحده تانيه ماكانتش عارفه يعنى ايه بر الوالدين علشان كده يوم فرحها جت أم العريس تتصور معاهم فوشوشت العريس وقالتله خلى أمك تبعد .. علشان الصور كده هططلع مش حلوه أصل أمه يا جماعه كانت كبرت فى السن .. ولبسها كان موضه قديمه بس العريس .. كان رد فعله غريب قوى قام وقال بأعلى صوت عنده مين يشترى أمى كل المعازيم استغربوا من السؤال بس هو فضل يكرر السؤال ولما محدش رد عليه قال ” أنا أشترى أمى ” وسبها واختار أمه .. ومشى وساب الفرح هى ما بتبرش أبوها وأمها ومش عارفه قيمتهم فى حياتها وكانت فاكراه هو كمان كده كانت فاكراه .. لما تقولوه ابعد أمك علشان شكلها وحش هيزعق لأمه ويمشيها .. ويكسر بخاطرها لكن هو طلع راجل .. طلع عارف قيمة أمه وهى خسرت واحد كان بيتقى ربنا فى أمه .. وأكيد كان هيتقى ربنا فيها ربنا يعفينا زى ما عفا أول بطلة فى حلقتنا النهارده واللى كانت فى أول سن المراهقه

وأمها كان عندها سبعين سنه قررت ان هى تبر أمها وشافت ان أفضل طريقه تبر بيها أمها انها تحفظها القرآن وبدأت تحفظها فعلا كل يوم بعد العصر تفضل تحفظها 10 آيات والصبح قبل ماتروح المدرسه تراجعلها عليهم وتسجلها ال10 آ يات دول بصوت الشيخ الحصرى ويفضلوا يتعادو لحد لما ترجع من المدرسه وتانى يوم بعد صلاة العصر تحفظها 10 آيات تانيين وتستنى يوم الأجازه .. علشان ايه مش علشان تخرج وتتفسح أو تشترى هدوم جديده لاء كانت بتستنى أخر الاسبوع علشان تراجعلها على اللى حفظته طول الاسبوع فضلت على كده لحد لما خلصت الثانويه عامه وخلصت الجامعه وعرفت ان جايلها عريس تخيلوا يا جماعه كانت بتدعى ب ايه كانت بتدعى ربنا ان العريس ده يسبها تكمل تحفيظ القرآن مع أمها أصل هى يا جماعه كانت شايفه ان أكتر طريقه ممكن تبرها و ترد بيه جزءمن جمايلها أنها تحفظها القرآن أول لما العريس اتقدم .. وشافته انه انسان صالح  قالتله انا موافقه بس هطلب منك طلب وطلبت منه الطلب ووافق وهو فرحان وقرر انه يشترلها بيت جنب بيت أمها علشان يبقى سهل عليها ان هى تيجى .. وتحفظها زى كل يوم والحمد لله تمت معاها حفظ القرآن

القصه ديه فيها بطلتين على فكره

أول بطله هى البنت الصغيره اللى ضحت بأحلى لحظات عمرها فى تحفظها القرآن لأمها والبطله التانيه هى الأم و اللى بدأت حفظ القرآن فى سن كبير وكان عندها اراده … وحفظت القرآن كله يا بختهم هما الاتنين ويارب كل بنات النبى اللى سامعنا دلوقتى يتعلموا منهم حاجه ويتعلموا كمان من بطله تانيه معانا النهارده بطله كانت أصغر اخواتها ولما أبوها مات .. تعبت أمها لدرجه ان جالها شلل رباعى فضلت لوحدها تخدم أمها علشان اخواتها الكبار ماكانوش بيبروها وكان كل لما يجلها عريس تقولو موافقه بس بشرط .. اننا نعيش مع أمى علشان أقدر أخدمها يرفض .. ويسبها وهى تصبر وتحتسب ده عند ربنا وعريس ورا عريس والسنين بتجرى لحد لما وصلت لسن الأربعين وبالرغم من كل الظروف دي كانت حاسه ان ربنا هينصرها علشان برها لأمها .. وصبرها على البلاء ده وكان لما أى حد يكلمها بتقول أنا صبرت وربنا قال وبشر الصابرين وأنا واثقه فى وعد ربنا عز وجل وفجأه جالها العريس واللى أول ما شاف حالة أمها قرر انه يتجوزها .. بس بشرط تخيلوا يا بنات النبى الشرط ده ايه الشرط ده .. ان أمها تعيش معاهم نزلت دموعها وهى بتقول وبشر الصابرين .. وبشر الصابرين

يارب الرساله تكون وصلت ويارب كل بنت من بنات النبى اللى سمعانى دلوقتى تبر أبوها وتبر أمها على قد ماتقدر

 

 

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement