الموقع الرسمي لمجلة حور الدنيا
مجلة شبابية



بنات النبي

2013-04-30
 

الزوجة الصالحة

More articles by »
Written by: admin

الزوجة الصالحة

عبد الله جـــادو

بنات النبي هن كل بنات المسلمين .. كل بنت من أمة محمد هي بنت من بنات محمد .. ولازم تتعامل في كل حاجة في حياتها وهي فاكرة إنها بنت النبي .
قبل ماتلبس أي لبس تفتكر إنها بنت النبي … قبل ماتقول أي كلمة تفتكر إنها بنت النبي .. تفتكر إنها بنت خير خلق الله .. لازم تكون خير قدوة لكل البنات اللي حواليها.

كل واحد مننا دايمًا لما يجي يدعي تلاقيه بيدعي ربنا يرزقه بالزوجة الصالحة
وكمان كل واحدة من البنات بتدعي ربنا يرزقها بالزوج الصالح

بس انتي يا بنت النبي عمرك فكرتي إزاي تكوني زوجة صالحة
إنك تكوني زوجة صالحة مش بس .. بإنك تحافظي على الصلاة والصوم
والقرآن وصلة الرحم وبر الوالدين

الزوجة الصالحة لازم تكون فاكرة وصية النبي ليها بطاعة زوجها ولازم كمان تحس بمسؤلية تربيتها لأولادها يا بنت النبي إنك تربي ابنك وتطلعيه راجل صالح ناجح يعتمد عليه يبرك ويبر أبوه دي مش حاجة سهلة .. لأ .. ده محتاج منك مجهود كبير محتاج منك إنك تحسي بأد إيه المسؤلية كبيرة

زي أول بطلة معانا النهارده

اللي ابنها كان في المدرسة وسط باقي أصحابه في الفصل

ودخل المدرس وقال كل واحد يجي عليه الدور يقول هو نفسه يكون إيه وبدأو زمايله كل واحد يقول حلمه في شغل المستقبل اللي قال طيار واللي قال دكتور واللي قال مهندس .. لحد لما جه الدور على صاحبنا

صاحبنا اللي قام وقال بصوت عالي .. أنا نفسي أكون  .. صحابي سكت المدرس وهو بيحاول يمسح دمعته وعرف إن ورا الطفل ده أم عظيمة علشان كده هدفه بقى عظيم انتوا متخيلين .. طفل صغير كل حلمه مش انه يجيب بدلة سبايدر مان ولا زي باقي زمايله اللي بيرددوا كلام الناس الكبار اللي حواليهم لاء .. ده صاحبنا واخد قرار عايز يكون .. صحابي أصل أمه قبل ما بينام ما بتحكلوش قصة الشاطر حسن ولا أي قصة كده مالهاش هدف لأ .. أمه قبل ما بينام .. بتحكيله قصة واحد من الصحابة وبتحكيله أد إيه الناس ديه تعبت علشان تنشر دين الإسلام وأد إيه كانوا بيضحوا بأرواحهم .. علشان يرفعوا راية الإسلام علشان كده هو شايف إن الصحابة أبطال وإنه نفسه يكون بطل زيهم
شايفه يا بنت النبي دورك مهم أد ايه يارب كل بنات النبي يكونوا زوجات صالحات في بيوتهم ويربوا ولادهم التربية اللي يكون فخور بيها جدهم النبي

 يا بنات النبي أصل لو كل واحدة فيكوا طلعت ولادها أبطال كده إحنا هنكون أعظم وأنجح أمة في التاريخ كله مش بس تربية الأولاد على فكرة لأ .. ده الهدف كمان
الهدف كمان .. يعني ايه الهدف أقصد بالهدف .. الهدف اللي عايشة ليه وبتربي ولادها عليه وبتشجع زوجها عليه لو نسيه الهدف ده هو إنه احنا مخلوقين ليه مخلوقين علشان نعبد ربنا .. وده اللي اتربينا عليه اتربينا على إن الدنيا مش الهدف .. اتربينا على إن الأخرة هي اللي هدف

زى البطلة التانية في حلقة النهارده

وهي  … أم الدحداح الأنصارية كانت من نساء الصحابة … كانت متجوزة الصحابي  أبو الدحداح واللي  كان عنده  حديقتين ..ولما  نزلت الآية ” من ذا الذي يقرض الله قرضا حسنا ” فكر في الآية بس هو مش مستوعب الآية أصل يا جماعة دايما اللي بيطلب القرض مين ..اللي بيطلب القرض هو المحتاج  يعني لما واحد فينا بيحتاج لفلوس..  بيدور على حد يسلفه يعني يقرضه طيب ازاى بقى يكون ربنا عز وجل .. هيكون محتاج مننا ده لما واحد فينا بيحتاج أي حاجة في الدنيا..  بيرفع اديه لربنا وبيدعي حس ان هو مش قادر يفسر الآية … فراح للنبي .. وسأله سأله ازاي احنا هنقرض ربنا قاله النبي .. ان ربنا عز وجل عايز القرض ده.. علشان يدخلنا بيه الجنة
” قال فانى ان أقرضت ربي قرضا يضمن لي به ولصبيتي الدحداحة معي في الجنة”

بصوا يا جماعة .. الجنة هى هدفه .. على باله طول الوقت هو عارف ان الدنيا مرحلة وهتعدي وان الجنة هي الحياه اللي بجد  المهم رد عليه النبى..  و قال نعم فقال فناولني يدك فناوله رسول الله يده فقال ان لى حديقتين احداهما بالسالفة والأخرى بالعالية ووالله لاأملك غيرهما قد جعلتهما قرضا لله تعالى فقال النبى اجعل احداهما لله والأخرى دعها معيشه لعيالك فقال فأشهدك يارسول الله أنى جعلت خيرهما لله تعالى يالله … أحلى حاجه فى الدنيا.. ان يكون ليك هدف..  عايش علشان تحققه تكون عارف انت عايش ليه .. وكل حاجه تعملها .. تكون بتعملها علشان تحقق الهدف ده يا جماعه … ده فى نفس الوقت اللى النبى قاله معنى الأيه عمل اللى بيه يضمن الجنه يضمن ان هدفه .. هيتحقق
يضمن انه هيخش الجنه .. هو مين .. هو وزوجته طيب هى زوجتك يا أبو الدحداح عظيمه قوى كده .. لما تكون بتفكر فيها حتى وانت داخل الجنه الجنه اللى هيكون فيها الحور العين .. طيب خلينا نكمل باقى القصه علشان نعرف

راح الزوج الصالح لزوجته وقالها على اللى حصل وانه أقرض ربنا عز وجل تقريبا نصف ما يمتلك ما قلتلوش ايه ياراجل اللى انت عملته ده ولا اللى يعوزه البيت يحرم على الجامع ولا الكلام ده…لاء قالت .. ربح  بيعك هو فيه كده .. فى ستات الأيام ديه ممكن تعمل كده  تصدق انت عندك حق .. لما تمنيت وجودها معاك فى الجنه
يا بختك بيها .. ويارب كل بنات النبى .. يعاملوا الدنيا كده يعاملوا الدنيا على انها مرحله فى حياتنا .. لو اتقينا ربنا فى كل حاجه بنعملها هنضمن الجنه واللى فيها هتبدأ الحياه اللى بجد يارب كل واحده من بنات النبى .. تكون زوجه صالحه تربى ولادها التربيه اللى تليق بأبوها النبى تعامل الدنيا زى ما كان بيعاملها النبى
وتحضر نفسها هى وولادها وأبو ولادها للجنه
زى ماكان بيعمل أبوها النبى

 

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement