الموقع الرسمي لمجلة حور الدنيا
مجلة شبابية
Advertisement



بنات النبي

13 مارس, 2013
 

الحلقة الأولى – الفتاة الروسية

More articles by »
Written by: admin
بنات-النبى31

الحلقة الأولى – الفتاة الروسية


عبد الله جـــادو

.

بنات النبي هن كل بنات المسلمين .. كل بنت من أمة محمد هي بنت من بنات محمد .. ولازم تتعامل في كل حاجة في حياتها وهي فاكرة إنها بنت النبي .
قبل ماتلبس أي لبس تفتكر إنها بنت النبي … قبل ماتقول أي كلمة تفتكر إنها بنت النبي .. تفتكر إنها بنت خير خلق الله .. لازم تكون خير قدوة لكل البنات اللي حواليها.

القصة حقيقية مقتبصة عن كتاب( إنها ملكة )

 بنات النبى اللي أنا أقصدهم هما كل بنت من بنات المسلمين .. هما كل بنت من بنات أمة محمد .. يعني كل واحدة فيكم بنت من بنات النبي .. طيب .. انتي عارفة بقى يا بنت النبي إنك ممكن تكوني قدوة  لناس كتير حواليكي.. من غير ماتعرفي ..

خلينا نضرب مثل .. يعني مثلًا لما تكوني في الجامعة وداخلة المدرج اللي فيه حوالي ألف بنت .. ومن غير ماتكوني عارفة إنك  قدوة لبنات كتير حواليكي .. مش هنقول كتير قوى .. ممكن يكون من الألف بنت خمس بنات .. يعني فيه خمس بنات بيراقبوكي في كل كلمة بتقوليها .. في كل حركة بتعمليها .. في كل لبس بتلبسيه .. حتى بيشفوكي هتعملي إيه لما ولد زميلك في الدفعة يعدي حدوده معاكي .. هتتصرفي إزاااي ..

تخيلي بقى إن كل كلمة بتقوليها .. لو الكلمة دي بتغضب ربنا .. شوفي كام واحدة انتي قدوة ليها .. كام واحدة انتي هاتشيلي ذنبها وانتي مش عارفة

تخيلي كل لبس بتلبسيه .. لو اللبس ده ضيق ومبين جسمك .. شوفي كام واحدة انتي قدوة ليها هاتشيلي ذنبها

طب تخيلي إن في بنات انتي قدوة ليهم بيقعدوا جنبك مخصوص .. بيستنوا لما يجيلك تليفون من مامتك علشان يشفوكي بتكلميها إزاى علشان يقلدوكي ويكلموا مامتهم زيك .. وقيسي على كده حاجات كتييير

بلاش الجامعة .. تخيلي لو انتي متجوزة والعمارة اللي انتي ساكنة فيها .. جت فيها عروسة جديدة أو حتى قديمة بس ماعندهاش خبرة في الحياه ماتعرفش تتعامل مع الناس .. وشافت فيكي القدوة.. وقررت تقلدك في كل حاجة .. بتشوفك بتعاملي جوزك إزاي .. بتشوفك بتعاملي جيرانك إزاي .. بتلبسي إيه .. وبتربي أولادك إزاي ..

وكده في الشغل .. وفي البيت .. وفي الشارع .. وفي أي مكان تروحيه .. بتكوني قدوة لناس كتتير وانتي مش واخدة بالك

ترد بنت النبي وتقولي .. يعنى لو أنا بنصر النبي في كل حاجة بعملها هاخد ثواب كل اللي بيقلدوني وأنا مش عارفة ؟؟

 تخيلي .. ومش بس كده ده انتي كمان ممكن تكوني سبب في دخول شخص  للإسلام بسبب كلمة بتقوليها .. بسبب موقف عملتيه أو بسبب إصرارك إنك تتقي ربنا في كل حاجة تعمليها

وبطلة النهاردة هي بنت من روسيا .. في يوم من الأيام .. جالها تاجر روسي وأقنعها هي ومجموعة من صحباتها إنهم يسافروا معاه لدولة من دول الخليج .. علشان يشتروا أجهزة .. ويرجعوا بيها لروسيا .. علشان يبيعوها هناك .

اقتنعت البنت هي وصاحباتها بالفكرة وسافروا معاه .. بس أول ما وصلوا .. بان على حقيقته .. وطلع إنه جايبهم من روسيا علشان يتاجر بأجسادهم .. وفضل يضغط عليهم نفسيًا لحد ما وافقوا كلهم  .. إلا بطلة حلقتنا النهاردة .. اللي قررت إنها تعف نفسها .. بالرغم إنها مكانتش مسلمه وكانت من عيلة متعصبة جدًا .. وكانوا بيكرهوا الإسلام جدًا

فضلت تقاوم لحد ما جاتلها الفرصة .. وخدت جواز سفرها وهربت .. نزلت الشارع وجريت بتدور على أي حد يفهمهاعلشان يساعدها ..

 وهي بتجري في الشارع .. قابلت .. خالد هو وأخواته البنات وأمه .. خالد ده شاب خليجي ملتزم وكان دايمًا بيدعي إن ربنا يرزقه بالزوجة الصالحة .. المهم حاولت تتكلم روسي بس محدش فهمها .. وقالها خالد إنه بيفهم إنجليزي .. بدأت تحكيلهم قصتها .. صعبت عليهم .. وقرر خالد وأسرته إنهم يساعدوها .. خادها معاه البيت وعاشت مع إخواته البنات .. وكانت كل يوم تحاول تكلم أهلها في روسيا بس مكانتش عارفة توصلهم

وكل يوم كان بيعدي كان خالد بيعرض عليها الإسلام وهي ترفض .. بس خالد عمره مايئس , لدرجة إنه اشترالها كتب عن الإسلام باللغة الروسية .. وسابها هي تاخد القرار .. وبعد فترة من قرايتها للكتب ومعاشرتها لإخوات خالد .. قررت إنها تدخل في الإسلام  علشان شافت الفرق بين الحياه اللي كانت عايشاها .. وحياة المسلمين .

أسلمت ولبست الحجاب العادي اللي لبساه أغلب بنات المسلمين .. واللي لابسينه أهل خالد .. واللي بتكون مبينة فيه وشها وكفيها .. وبعد إسلامها بفترة قليلة .. قرر خالد إنه يتجوزها .. خالد اللي كان بيدعي إنه يتجوز زوجة صالحة

ربنا رزقه بواحدة أسلمت عن اقتناع .. واحدة كانت بتعف نفسها وهي غير مسلمة .. تخيلوا بقى وهي مسلمة .. هتعمل إيه

وفي يوم من الأيام كانوا مشيين في الشارع .. وشافت بنت منتقبة .. وأول فكرة جاتلها إن البنت دي وشها فيه حاجة .. علشان كده مغطياه .. بس لما سألت خالد وقالها إن ده حجاب أمهات المؤمنين .. وإنه سنة عن أهل بيت النبي .. وإنه فيه نصرة لربنا وللنبي .. تخيلوا يا بنات النبي قالت إيه ” قالت عايزاه دلوقتي ” .. شوفتوا يا جماعة .. هي أصلًا واخدة قرار إنها تنصر ربنا وتنصر النبي .. قررت إنها تشتري النقاب في نفس الوقت اللي عرفت فيه إنه فيه نصرة للنبي .. اشترت النقاب ولبسته من لحظة ما اشترته .

الله .. يارب زود عدد بنات النبي اللي واخدين القرار ده ..

ومرت الأيام وخالد بيعيش معاها أحلى قصة حب .. اكتشفت إن جواز سفرها لازم يتجدد .. وعلشان يتجدد لازم تسافر روسيا .. وهي عارفة قد إيه السفرية ديه فيها خطر عليها .. علشان أهلها كانوا بيكرهوا الإسلام .. ومتعصبين جدًا لدينهم

بس هتعمل إيه .. (الله غالب على أمره ) .. سافرت هي وخالد .. وقررت إنها ماتروحش بيت أهلها غير في آخر يوم ليها في روسيا .. وصلت روسيا ونزلت هي وخالد في فندق .. وبدأت في إجراءات تجديد جواز السفر

وكان معاها صور بالحجاب ووشها بس اللي باين .. وكان المسؤول بيكره المسلمين جدًا .. ورفض يجدد لها جواز السفر بالصور اللي هي فيها بالحجاب .. وقالها هاتي صور زي اللي في جواز السفر .. يقصد بصور بشعرها وفضل يرفض وهي تحاول .. لحد لما خالد يئس وقالها: (لا يكلف الله نفسا إلا وسعها )وهي كانت بترد عليه دايمًا بـ ” ومن يتق الله يجعل له مخرجًا ويرزقه من حيث لا يحتسب”

 يا جماعة اللي بيحب بجد بيدي أكتر من المطلوب منه .. وفضلت تحاول لحد لما اليوم خلص ورجعت هي وخالد الفندق .. صلوا العشاء .. ولما جه خالد ينام .. فكرته إنهم في ضيق ولازم يلجؤا لربنا .. ويدعوا ربنا .. لازم يصلوا قيام الليل .. الله على الزوجة الصالحة .. يارب كل بنات النبي يكونوا زوجات صالحات في بيوتهم

صلى خالد اللي قدر عليه ونام .. وبيقول إنه كان كل مايفتح عنيه .. كان بيلاقيها إما راكعة أو ساجدة تتوسل إلى الله

فضلت تقييم الليل لحد الفجر .. صحت خالد وصلوا الفجر .. وبعد شروق الشمس راحوا يكملوا إجراءات جواز السفر

الغريب إنهم أول لما وصلوا لقوا راجل تاني موجود .. واللي خلصلهم جواز السفر بدون أي مشكلة..  خلصه بالصور اللي هي فيها محجبة .. سبحان الله .. إن تنصروا الله ينصركم ” فرحت قوي وفكرت خالد بالآية ” ومن يتق الله يجعل له مخرجًا ويرزقه من حيث لا يحتسب”

خدوا جواز السفر ومشيوا .. راحوا على بيت أهلها .. وأول لما دخلوا البيت .. سابت خالد في الريسبشن .. ودخلت هي تفهم أهلها .. بيقول خالد إنه ما فهمش حاجه من اللي كانوا بيقولوه .. علشان كانوا بيتكلمو بالروسي .. وفجأه طلعوا أهلها عليه وفضلوا يضربوا فيه .. لحد لما خالد بيقول ” حسيت إني خلاص بموت” .. في اللحظة دي قدرت أوصل لباب البيت وهربت .. هربت وروحت على الفندق .. وبالرغم إني كنت بموت إلا إني فضلت لمدة ثلاثة أيام براقب البيت من بعيد, يمكن أقدر أساعدها .. لحد لما في اليوم الرابع طلعت وقالت بصوت عالي .. ارجع ياخالد على الفندق وأنا هجيلك

رجع خالد على الفندق .. وفعلًا جاتله .. بس كانت راجعة وهي بتنزف من كل جسمها .. غيرت لبسها .. ونزلوا بسرعة وركبوا لأقرب مدينة فيها مطار دولي آخر .. علشان أكيد أهلها أول لما يعرفوا إنها هربت .. أول مكان هيدوروا عليها فيه .. هو المطار .. وأول لما ركبوا الطيارة وبدأت تطمن إنهم في أمان بدأت تحكي .. بتقول إنهم كانوا رابطين إديها من ورا ظهرها ورابطين رجلها في عمود في البيت .. واللي كان معاه مفتاح القفل اللي على رجليها هي أختها .. علشان لو كانت عايزه تدخل الحمام وهما في الشغل .. وكان كل لحظة بتعدي .. كانوا بيضربوها أو بيعذبوها .. علشان ترجع عن الإسلام .. وهي كانت لما بتفتكر اللي شافه النبي واللي شافوه الصحابة .. ونصرتهم لربنا وللنبي .. تستحمل علشان تنصر ربنا  هي كمان .. لدرجة إن أختها استغربت .. هو إيه اللي مخليها مستحملة العذاب ده .. وبدأت تسألها عن الإسلام ,لحد لما آمنت بدين ربنا وأسلمت وقررت إنها تهربها .. وتستحمل اللي هيحصلها .. علشان تنصر ربنا وتنصر النبي

وهي دي أول صفة هنتعلمها مع بعض .. خلي هدفك في الدنيا .. هو نصرة ربنا .. خلي هدفك في الدنيا يا بنت النبي هو نصرة أبوكي النبي عليه الصلاة والسلام ..

Comments

comments





 
 

 
circle

الناس بحور

في ناس هتموت وتبقالك وناس دمعتها تحلالك وناس اصلا بيجرحوا فيكوناس مش حابه غير مالكوناس بتحب فيك حالكوناس اصلا بتلعب بيكوناس ...
by admin
 

 
 
fds

الحب مش كلمة والسلام

الحب مش كلمة و السلامفى قانونى الحب إهتمامجواه النار تنبض سلامعيون بتقول كل الكلامعقارب ساعة تجرى أوامو روح تتمنى سنين قدام...
by admin
 

 
 
Grapes

العنب ملك الفاكهة

العنب ملك الفاكهة العنب ملك الفاكهة لانه أغني الفواكه بالقيم الغذائية و له ستون نوعا والعنب من الثمار التي ذكرها الله سبحانه...
by admin
 

 

 
hh

فى الملكوت

فى الملكوت ربنا من يوم خلق الدنياعرفنا انها ماتدومش لحدوانها مش خالده ليوم الدينوانها لو دامت فعلا جدهتدوم للانبيا والصالحي...
by admin
 

 
Advertisement
 
10728749_594401180671804_1514777828_n

النصف الأخر للدنيا

النصف الأخر للدنيا (1) تَنتشل أرواح الأُنثوات ذاك الذى يُسمى ” بعامل بالأمان النابع من رجل يجيد الحنو ” لا غيره ! فقطعا لا...
by admin
 

 




Advertisement
 

Warning: Invalid argument supplied for foreach() in /home1/horeldon/public_html/wp-content/plugins/cute-profiles/processors/cute_1.php on line 25
راديو حور الدنيا