الموقع الرسمي لمجلة حور الدنيا
مجلة شبابية



ديننا حياتنا

2013-03-13
 

يوم الفرح

More articles by »
Written by: admin

يوم الفرح

” بنات النبي “

عبد الله جادو

.

بنات النبي هن كل بنات المسلمين .. كل بنت من أمة محمد هي بنت من بنات محمد .. ولازم تتعامل في كل حاجة في حياتها وهي فاكرة إنها بنت النبي .
قبل ماتلبس أي لبس تفتكر إنها بنت النبي … قبل ماتقول أي كلمة تفتكر إنها بنت النبي .. تفتكر إنها بنت خير خلق الله .. لازم تكون خير قدوة لكل البنات اللي حواليها.

كل بنت بتحلم باليوم اللى ربنا يرزقها فيه بالزوج الصالح .. الراجل اللي بتتمناه .. اللي بتحلم بيه .. اللي يحافظ عليها ويكون حنين عليها .. يفضل يعاملها طول حياتها كويس .. يعنى معاملته قبل الجواز وفى فترة الخطوبة.. هي نفسها المعاملة بعد الجواز حتى ولو عدى على الجواز سنييين … ويوم ماربنا يرزقها بالإنسان ده .. ييجي يوم الفرح .. وبدل ماتشكر ربنا إنه سبحانه رزقها بحلم عمرها .. لأ .. ييجي معاد الفرح وتصمم إنها ماتلبس الحجاب .. وتصمم إنها تلبس فستان يبين جسمها .. وتصمم إن كل زميلاتها.. يلبسوا فساتين بردوا يبينوا فيها جسمهم .. ويعملوا شعرهم بشكل معين .. علشان يرقصوا رقصة معينة .. وتفضل تصمم على حجات كتير زي دي .. وممكن تكون الحاجات دي سبب .. في إن الجوازه تتفشكل ..

مش مهم عندها.. المهم إن هي تعمل كل الحاجات دي .. ولما تيجي تقولها حرام .. تقول الكلمة المحفوظة .. ده هو يوم .. وعلشان هو يوم .. تخسري ربك .. وعلشان هو يوم تخسري واحد كان بجد بيحبك .. وعلشان هو يوم تشيلي ذنوب كل الناس دي .. وعلشان هو يوم .. بدل ما تشكرى ربنا .. تغضبيه .. هي دي طريقه شكرك لربنا ؟؟ .. هتقولي .. والناس .. أولًا إحنا عبيد ربنا مش عبيد الناس .. وثانيًا الناس مابيعجبهمش العجب .. ومهما عملتي مش هيعجبهم .. وهيطلعوا عيوب فيكي وفي الفرح ..

شوفي كام شاب في الفرح..  بيشوف جسمك .. شوفي كام واحد بيصورك .. جسمك ده اللي بيتصور على فكره .. والصور دي والفديوهات دي الله أعلم هتفضل معاه هو بس ولا هتتنقل لحد تاني .. والحد  التاني ده هيحافظ عليكي .. ولا هيحطها على اليوتيوب .. وتفضلي بسبب يوم واحد عداد الذنوب … شغال يعد .. والابتلاءات تجيلك .. وانتي مش عارفه السبب إيه ..وتفضلي تقولي أنا بيحصلي ليه كده .. أنا ربنا مش راضي عني ليه ؟؟ ..

خلينا نحكي قصه بنت بس مش هي بطلة حلقة النهارده .. بس إحنا عايزين نأخد منها عبرة

 البنت دي فضلت تدعى ربنا .. يرزقها بالإنسان اللي بتحلم بيه .. وتوصفه لربنا في كل دعوة .. وفي كل صلاة .. ولما ربنا قبل دعوتها .. نسيت وعودها ليه .. نسيت وصايا النبي .. نسيت إن هي مسلمة .. نسيت إن هي بنت النبي .. وبنات النبي مش زي أي بنات .. بنات النبي كل حاجه فيهم غالية قوي .. مش أي حد يشوفها .. ما يشوفش جسم بنت النبي غير جوزها واللي يحللها .. نسيت إن بنات النبي ما بيرقصوش قدام الشباب .. نسيت كل حاجة ؟؟

لحد لما جه معاد الفرح وراحت الكوافير .. واللي كان راجل .. راجل غريب بيلمس شعرها .. رجل غريب.. بيلمس كل حته في جسمها باينة .. علشان الكريمات اللي بتتحط علشان الجسم كله يبقى لون واحد .. راجل غريب بيلمس جسم وشعر بنت النبي .. ولما جه حد يعاتبها ..قالت أصل هو أحسن مكان..  وصاحبتي كانت هنا ..وكانت زي القمر ..وأنا مش أقل منها ..والستات مش بيكونوا حلوين أوي .. وبعدين ده يوم

خلصت الكوافير.. وخرجت قدام كل الناس .. شبه عريانة .. وراحت على الفرح .. طايرة من الفرح .. كل الناس هيتجننوا عليها .. كل الناس بيتفرجوا عليها وهى بترقص .. وجسمها كله باين .. كل الناس بتصور بعنيها وبكاميراتهم .. وهي بترقص ولا في دماغها أي حاجة .. كل حركة منها جزء منها بيبان .. وعادي بقى ما هو أصله .. يوم وهيعدي

وفجأه .. وقعت على الأرض .. كله جري عليها.. بينادوا .. بس هي خلاص في دنيا تانية … الضحك والفرح.. بدأ يتحول لحزن .. بدأوا يعيطوا بيبكوا .. الأم بتغطي فيها .. أصل جسمها كله باين .. جابت مفرش غطتها بيه .. وجه الدكتور وسكت وقال .. أصعب كلمة .. ممكن تتقال لأي حد .. البقاء لله .. العروسة ماتت بسكتة قلبية

ماتت وهتقابل ربنا على اللي كانت عليه .. كانت عريانة وكانت بترقص قدام كل الناس

أنا عارف إنه يوم وهيعدى .. بس هي ماكانتش عارفه إنه آخر يوم في حياتها ..

بس برده مين مننا يعرف اليوم ده .. مين يعرف هيموت امتى .. محدش.. علشان كده .. عايزين يبقى عندنا قاعدة نطبقها في حياتنا .. إننا هنعمل كل حاجة ونعيش حياتنا ومش هنحرم نفسنا من حاجة .. بس كل ده .. نعمله بالطريقة اللي ترضي ربنا

زي بطلة حلقة النهارده .. اللي كانت بتدعي برده .. بس دي.. لما ربنا رزقها بحلمها,, مانسيتش وعودها لربنا .. مانسيتش إنها بنت النبي .. ما قلعتش الحجاب .. ولبست فستان أبيض برضه .. بس كان مغطي كل جسمها .. فرحانة .. وبتضحك من قلبها ..بس ماشالتش أي ذنب .. بطلة حلقه النهارده كان حجابها النقاب .. تخيلوا إنها ما قلعتش النقاب .. وبتقول إنه كان أكتر يوم سعيد عدى عليها في حياتها .. السعادة والفرحة يا بنات مش بالعري ولا بالرقص .. السعادة قناعة .. مدام انتى مقتنعه بيها مش مهم رأي الناس .. مش مهم مكاسب الدنيا .. المهم إنك تكسبي ربنا.. علاقتك معاها .. المهم إنك تكسبي رضا النبي عليكي

بيحكي واحد من اللي كان حاضر فرحها .. إنه كان قاعد بجانب العريس .. العريس اللي كان برضه بيدعي ربنا.. يرزقه بالزوجة الصالحة .. واللي قرر يتقي ربنا في نفسه .. علشان ربنا يرزقه بواحدة.. اتقت ربنا في نفسها .. واللي وعد ربنا ومنسيش وعوده.. بيقول صاحبنا اللي كان جنب العريس إن لما المأذون جه يمضيه على ورق الزواج .. واللي بيكون فيه صورة العريس والناحية التانية صورة العروسة .. تخيلوا بيقول إنه بص صدفه .. على الورق

بيقول لقيت في حاجة مغيمة على وش العروسة .. يا الله .. قررت تستر نفسها وربنا سترها ..

 يا جماعة اللي بينصر ربنا .. ربنا بينصره وبيحافظ عليه

أنا عارف إن الموضوع مش سهل .. بس اللي أنا عارفه برده إن النتيجة مضمونة والجائزة أكبر بكتير من أي متعة في الدنيا

 رضا ربنا .. ورضا النبي .. والجنة اللي هتكوني فيها .. انتي وأبوكي النبي (ص) جيران

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement