الموقع الرسمي لمجلة حور الدنيا
مجلة شبابية



بنات النبي

2013-04-24
 

الدين المعاملة

More articles by »
Written by: admin

الدين المعاملة

عبد الله جادو

بنات النبي هن كل بنات المسلمين .. كل بنت من أمة محمد هي بنت من بنات محمد .. ولازم تتعامل في كل حاجة في حياتها وهي فاكرة إنها بنت النبي .
قبل ماتلبس أي لبس تفتكر إنها بنت النبي … قبل ماتقول أي كلمة تفتكر إنها بنت النبي .. تفتكر إنها بنت خير خلق الله .. لازم تكون خير قدوة لكل البنات اللي حواليها.

خير مثال ممكن نبدأ بيه في الكلام عن إن الدين المعاملة هو موقف النبي صلى الله عليه وسلم من جاره اليهودي اللي كان بيحاول يؤذيه بس كان بيخاف من بطش أصحاب النبي (صلى الله عليه وسلم) فكان بيعمل إيه ؟؟

كان بيجى بالليل والناس نايمة .. يلم الشوك وكل حاجة وحشة ويرميها عند بيت النبي (صلى الله عليه وسلم) ولما كا بيصحى النبي صلى الله عليه وسلم .. ويلاقي الحاجات دي كان بيضحك  ويعرف إن جاره اليهودي اللي عمل كده ويشيل الحاجات دي

واليهودي مكانش بيمل .. ويكرر عادته كل يوم لحد لما تعب في يوم وجاتله حمى خبيثة خلته ما قدرش يكرر العادة بتاعة كل يوم بس فجأه وهو بيتوجع في بيته سمع صوت النبي (صلى الله عليه وسلم) وهو بيخبط على الباب .. بيستأذن للدخول ..  فأذن له اليهودي فدخل النبي صلى الله عليه وسلم على جاره اليهودي وتمنى له الشفاء فسأل اليهودي الرسول (صلى الله عليه وسلم) وماأدراك يامحمد أني مريض؟؟

فضحك الرسول (صلى الله عليه وسلم)وقال له: (عادتك التي انقطعت) يقصد نبينا الكريم القاذروت التي يرميها اليهودي أمام بابه
فبكى اليهودي من طيب أخلاق النبي (صلى الله عليه وسلم) وأسلم بسبب حسن المعاملة ,, متخيله يا بنت النبي حسن المعاملة ممكن يعمل إيه ممكن تكوني السبب في نصرة ربنا ونصرة النبي ونصرة الإسلام

قال رسول الله صل الله عليه وآله وسلم: (لأن يهدي الله بك رجلاً واحدًا خير لك من حمر النعم) يا الله زى ماحصل مع أحد الدعاة واللي كان في زيارة لإحدى الدول الأوروبية كان قاعد في محطة القطار وشاف إمرأة عجوز تمسك تفاحة بيدها بتحاول تاكلها بس مش عارفة .. أصل هي خلاص ما بقاش عندها أسنان قام وقرب منها وأخذ منها التفاحة وقطعهالها قطع صغيرة .. علشان تقدر تاكلها وفجأه .. انفجرت العجوز بالبكاء
فسألها لماذا تبكين ؟؟ تخيلوا قالت إيه؟؟  قالت أنا بقالي 10 سنين محدش بيكلمني بقالي 10 سنين ولادي ما بيسألوش عني وانت عملت معايا ده ليه ؟؟ بتبصلى بحب ليه ؟ بطبطب عليه بحب ليه ؟ قطعتلي التفاحه وانت بتبتسم كل ده ليه ؟؟ قالها أنا مسلم وديني بيأمرني بكده ديني بيأمرني إني أبر أبويا وأمي ديني بيأمرني أن أحترم و أعطف على أي حد كبير في السن قالها كمان إن أمه تقريبا في نفس سنها وإنها بتعيش معاه في نفس البيت .. بتعيش كأنها ملكة بيقولها .. مش بنقدر نعمل أي حاجة من غير لما نأخذ إذنها مش بنأكل غير لما هي تأكل وقالها كمان .. إن هو وولاده بيخدموها تخيلوا إن بسبب الموقف البسيط ده كان سبب في دخوها الإسلام هو عمل حاجة بسيطة .. بس احتمال تكون سبب دخوله الجنة

زي بطلة معانا النهارده بتقول كنت عايشة في دولة من دول أوروبا مع زوجي واللي كان بيشتغل دكتور في إحدى المستشفيات وكانت جارتنا إمرأه عجوز وكانت عايشه لوحدها بتاكل لوحدها وبتعمل كل حاجه لنفسها وكنت ملاحظة إن ما فيش حد بيسأل عنها علشان كده قررت إني أسأل عليها وأزورها كل يوم .. أتكلم معاها وأشوفها لو محتاجة أي حاجة هي دايما كانت مستغرباني بس أنا كنت دايمًا فاكرة قصص النبي صلى الله عليه وسلم وحسن معاملته للمسلمين وغير المسلمين وفي يوم سألتني انتي بتعملي معايا كل ده ليه؟ ده أنا أولادي ما بيسألوش عني وأحفادي تقريبا ما شفتهومش من يوم ما اتولدوا,,  رديت عليها وقولتلها ديني بيأمرني بكده أبويا النبي صلى الله عليه وسلم وصانا على أهل الكتاب ووصانا كمان على كبير السن وانتي من أهل الكتاب وكمان في سن أمي بدأت تسأل وتقول انتي بتعامليني كده .. أمال بتعاملي أمك إزاي قولتلها بر أبويا وأمي ورضاهم عني شرط أساسي علشان أدخل الجنة وقولتلها كمان إني لما بكون في بلدى مفيش يوم بيعدي من غير ما أروح أزورهم وأسأل عليهم أنا وولادي وزوجي ونتأكد إن هم مش محتاجين حاجة بكت وهي بتقول: يعني انتوا ما بيعديش اليوم غير لما بتسألوا عليهم وما بتدخلوش الجنة إلا برضاهم وكل ده بأمر من ربنا وبوصيه من نبيكم ؟؟ بكت وهي بتقول .. إن هو ده الدين الحق بتقول بطلتنا إن هي ما أسلمتش بس ما كانش في حد بتشوفوا إلا لما تحكيلوا عن حسن المعاملة في الإسلام سواء كان للمسلمين بعضهم لبعض أو معاملة المسلمين لغير المسلمين ,, يا بخت بطلتنا .. نجحت أن هي تنفذ وصية النبي ليها

الوصية اللي  قال فيها إن الدين المعاملة انتي كمان يا بنت النبي لازم تأخدي القرار ده وتكوني قاصدة إنك تحسني معاملتك لكل اللي حواليكي وتفكري نفسك دايمًا إنك مش أي بنت لأ انتي بنت مسلمة ومش بنت أي حد لأ ده انتي بنت خير خلق الله

انتي بنت النبي صلى الله عليه وسلم وبنت النبي لازم تكون أحسن بنت في الدنيا فكرى قبل ما تقولي أي حاجة وشوفيها ينفع تتقال من بنت النبي فكري في أي تصرف أو أي رد فعل وشوفيه ينفع يكون من بنت النبي هتقولى بنت النبي يعنى أنا قبل ما أقول أي كلمة أو أعمل أي حاجة أو أتعامل مع أي حد أفكر نفسي إني بنت النبي ؟؟ أقولك أه لازم تعملي كده ولو نجحتي في كده هتنولي رضا أبوكي النبي صلى الله عليه وسلم

 

 

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement