الموقع الرسمي لمجلة حور الدنيا
مجلة شبابية



متنوع

2013-04-17
 

الحرب الباردة

More articles by »
Written by: admin

 

الحرب الباردة

أمل زيادة

بين زوجة الابن والحموات الفاتنات , لكل مقبلة على الزواج , فاكرين فيلم الحموات الفاتنات ولا حماتي ملاك ؟ تقريبا الفيلم لخص العلاقة بين أم الزوج وزوجة الابن وبين الزوج وأم الزوجة على العموم ممكن جدًا الزوج يترفع عن المشاكل التي تسببها أم الزوجة يمكن رجاحة عقل ولا نظرًا لانشغاله وتعدد اهتماماته بعكس الزوجة التي تتعامل بحساسية  فطرية مع أهل الزوج ,أما المشكلة الكبرى هي العلاقة بين الزوجة وأم الزوج طبعًا الأفلام تناولت الحرب الباردة اللي بينهم  بطريقة سطحية لأنه في الأول والأخير كان الغرض النقد بطريقة كوميدية بس الواقع بيقول إن الوضع مختلف كتير ولكن ده لا ينكر أن أم الزوج بتحتاج معاملة خاصة جدًا علشان كده تلاقي أى واحدة مقبلة على الزواج خائفة وإن صح التعبير ممكن تقول إنها مرعوبة . طيب فيها إيه لو اعتبرنا أم الزوج بمثابة أم لنا وعاملناها بالحسنى

مع مراعاة فارق االسن وطريقة التفكير أكيد مش هنحس بأي مشكلة بمعنى تاني لازم نقدر إنها أم وضحت وسهرت علشان تجعل من الزوج رجل يعتمد عليه وكمان ياريت بنظرة مستقبلية نضع نفسنا مكانها لأنه مع مرور الأيام ستجدي نفسك مكانها بالفعل وكما تدين تدان يعني لازم نراعي مشاعرها كأم  ونصمد أمام حركات الحموات والزوجة الناجحة هي التي تتقن معاملة أهل الزوج ولازم لا تستجيبي لأي استفزات كانت ولازم تخلي أعصابك في تلاجة لأنه مهما حصل هتطلعي غلطانة

أولا لأنك صغيرة السن وثانيًا لأن استحالة أمهاتنا تغلط دي أم مهما حصل ورضاها من رضا الرب يعني بالعربي كده كلي عيش وعيشي في سلام وبعدين صعب جدًا تغيري من أسلوب حد بلغ من العمر أرذله بس ممكن جدًا أغير من طفل وأعيد تشكيله ثم إزاي أساسا هتقولي إنها غلطت مثلا ماهو لازم نراعي السن طيب خدي بقى شوية نصائح خاصة جدًا :

* في حالة إذا كنتي تسكنين في بيت العائلة

 شوفي لازم تحطي في دماغك نقطة معينة إن الزوج  لو كان له أخوات ولهم زوجات سيكون هناك تنافس بين الزوجات في محاول كسب رضاء الأهل واستمالتهم نحوهم في الحالة دي اتعاملي عادي جدًا وبطبيعية هتملكي القلوب لأن مفيش أحسن من البساطة علشان تدخلي القلوب ولو تقربت منك إحدى الزوجات وصادقتك خليكي في السليم إوعى تشكي من أهل الزوج نهائي ليها حتى لو هي اشتكيت لأنها وقت الجد هتكون في صفهم وهتكسب نقاط على حسابك فتعاملك معاها على الحياد وباقتضاب اشتكيت من أم الزوج قولي يمكن ما كنتش تقصد أو ربنا يهدي الحال لا تحاولي تنخرطي معاها في تفاصيل وكدا هتخسري كتير

تعالي كده نتخيل يوم في بيت العائلة هتصحي الصبح عادى جدًا كل الناس بيعملوا كده الزوج هيتناول فطاره  ويروح شغله انتي بقى  خلصي كل حاجة وراكي بسرعة كده وانزلي أو اطلعي لحماتك وانتي آخر أناقة  وبعد السلامات والذي منه قولي أنا جيت أفطر معاكي وتناولي معاهم الفطار بهدوء كده واستمعي طبعا لنصائح أم الزوج في عمايل الوجبات وكمان لا تنسي إبدائك الإعجاب بطبق الفول الخطير وياريت تطلبي  مقاديره صدقيني ده بيكون له أثر إيجابي على نفسية أم الزوج

وبعد الفطار ومن سكات كده روحي إغسلي الطبقين وإشربي الشاي معاهم هتلاقي حماتك طارت بيكي كإنك اخترعتي الذرة وبعد نصف ساعة رغي كده استأذني وانسحبي ولو كنتي رايحة السوق مري عليها وقولي ليها مش عايزة حاجة

أجيبها لك وأنا راجعة يا سلام هتفرح أوي بتحس إنها محور اهتمام وأهي طريقة لتطويل حالة السلام العائلي, لازم نراعي طريقة التفكير ونكون حساسين في طريقة المعاملة إنما بقى تتذمري وتقولي دي لما قابلتنا أو شافتنا اتضايقت كشرت قالت  كذا أو كذا مش هتلاقى نتيجه غير حرقة الأعصاب بالعربي كده ومن الآخر كبري دماغك وحاولي تحتوي الجميع وتكسبيهم وتذكري إن هييجي يوم وتكوني انتي مكانها وكل مدين مدان

* نيجي بقى للحالة الثانية

لو كنتي ساكنة في منزل منفصل  ياه فضل ونعمة من عند ربنا طبعا لازم في المناسبات الرسمية تكلميها هاتفيا لازم وكل مدة كده اتصلي اطمني عليهم ويا سلام لو كلمتيها كل يوم أكيد حاجة كويسة بس الحقيقة هتكون شوية متعبة ليه كويس لإنك قولتي ليه أقولك يا ستي

أولا ممكن جدا تنسي في يوم إنك تكلميها ماهو انتي ذاكرتك مش دفتر وكمان مع زيادة الالتزمات عليكي ممكن يمر يوم وما تنتبهي وكمان  ما هو الحوار المشترك اللي بينكم اللي هتتكلمو  فيه بانتظام  وبعدين على كل الاحوال هيندرج تحت بند التبذير والرغي بدون داعي يبقى إيه كفى الله  المؤمنين شر القتال

وكمان ملحوظة لو حصل لا سمح الله وخرجتو معا لشراء شيء حاولي إنك ما تشترى حاجة لأن ده هيتفسرعلى إنك مبذرة حتى لو كنتي هتجيبي حاجة أساسية بس أساسا هما كده بيحبو توجيه التعليمات وانتي أكيد هتضايقي فمنعا لكل ده خليكي عادي جدا وبلاش عكننة على الفاضي, وياسلام لو وانتي معاها كده اعزميها على مشروب ولا عصير ياه حاجة جميلة جدا فعلا حاجات بسيطة بس بتأثر بالإيجاب في العلاقة بين الطرفين طبعا مش عايزة أقولك إنك لو ساكنة في نفس المحافظة لا داعي إطلاقا للبيات عند أهل الزوج أما لو كنتي من خارج المحافظة مفيش مانع بس لا تطولي البقاء

ثالثا بقى  تساؤل

مش عارفة ألاقي منه نتيجة ليه الحموات مش بيحبوت زوجة الابن ليه العداء ده الغير مبرر؟ ده المفروض الزوجة ريحت الأم من شخص كان المفروض عبء بمطالبة على الأم في سنها الكبير ده ليه دايما الكلام من الأم أو زوجة الابن بيحمل معنانين ويتفسر على إنه شيء سيء ليه لو فرض مثلا وزورتي أم الزوج وكانت على علم بالزياره تلاقي أمراض الدنيا فجأه جاءت لها

أو ليه تقابلكم بفتور حتى لو كنتوا لشهور ما تقابلتم إزاى نقضي على الحساسية في العلاقة بين الطرفين لأن كم من بيت اتهدد استقراره بسبب الحرب المعلنة والغير معلنة بين أم الزوج وزوجة الابن بجد تساؤلات كتييره ياريت نلاقي لها إجابة وإن كنت أعتقد إن المعاملة الحسنة ممكن جدا  تعمل على تحسين ونجاح العلاقة  حتى ولو على المدى البعيد

ثم من ناحية أخرى هتلاقي النتيجة بركة وصحة في بيتك وأولادك يعني الصبر على الابتلاءات المختلفة وسوء الطباع أكيد لها ثوابها من الله عز وجل وكما كنا نقول دائما من زرع حصد انتي ازرعي معاملة حسنة هتحصدي حب حتى لو من  شخص كنتي تعتقدي إنه آخر حد ممكن تلاقي منه  كده حد عنده اعتراض على الكلام ده؟

وياريت لو حد عنده مواقف جمعته بحماته يحكي ويقول اتصرف إزاي أهي كله للإفادة

 

التعليقات

تعليقًا





 
 

 

أنت أيضًا تستطيع|زينب علي البحراني

أنت أيضًا تستطيع زينب علي البحراني “من يحلم بأن يهزمني فعليه أن يستيقظ ويعتذر عن ذلك”.. هذه الكلمات التي تلتهب الثقة في ...
by admin
 

 
 

الإستضعاف الذي يجلب الأستعطاف|احمدفرج

الاستضعاف الذي يجلب الاستعطاف اخرته وحشة اوي زي ايه زي خطيبه تحكي لخطيبها كل مشاكلها العائلية نقاط الضعف والمسكنة وتوصله ان...
by admin
 

 
 

ضرب الأبناء |أحمد فرج

نهي النبي صلي الله علية وسلم عن ضرب الوجهه لما يحمل من كرامة الانسان وان معظم التعبيرات والفكر واتخاذ القرار وادارة الاجهزة ...
by admin
 

 

 

متزعلش |احمد فرج

المقال ده خاص و مخصص للشباب والبنات الي ليهم آباء وامهات ارتقت ارواحهم الي مكانهم الجميل فين ؟ في جنات ونهر ايوا يعني فين ؟ في...
by admin
 

 
Advertisement
 

حاسس بيك |أحمد فرج

المقال ده مرضتش اسجله فيديو برضه لاني مش هقدر استجمع قوايا فيه وممكن بكل سهوله تنهار دموعي ومش هينفع اكمله قولت اكتبة احسن وا...
by admin
 

 




Advertisement